جرمنی میں ڈیزل سبسڈی ختم کرنے کے منصوبے پر ہزاروں کسانوں نے ٹریکٹروں کے ذرئعے برلن کی ٹریفک روک دی۔

قطری خبر رساں ادارے کی خبر کے مطابق جرمن دارالحکومت میں کسان ایک بڑی ریلی میں شرکت کے لیے جمع ہو رہے ہیں جس میں حکومت کی جانب سے ان پر مزید ٹیکس عائد کرنے کے منصوبے پر نظر ثانی کا مطالبہ کیا گیا ہے۔

ہزاروں جرمن کسان، ٹرک ڈرائیور اور زرعی مزدور ٹریکٹروں اور دیگر بھاری آلات کے ساتھ برلن کے مشہور برانڈن برگ گیٹ کے سامنے جمع ہوئے اور حکومت کی جانب سے ڈیزل پر ٹیکس چھوٹ ختم کرنے کے منصوبے پر برہم کسانوں کا ایک اور مظاہرہ کیا۔

پولیس نے پیر کے روز اندازہ لگایا تھا کہ کم از کم 3،000 ٹریکٹر پہلے ہی احتجاج کے لئے پہنچ چکے تھے اور ایک اندازے کے مطابق مزید 2،000 ٹریکٹر اپنے ہفتے بھر کے احتجاج کے اختتام پر راستے میں تھے۔

ٹریکٹروں نے شہر کے کچھ حصوں میں ٹریفک کو روک دیا اور برلن کی پبلک ٹرانزٹ ایجنسی نے بڑی خدمات میں تاخیر کی اطلاع دی۔

جرمن چانسلر اولاف شولز کی جانب سے سبسڈی میں کٹوتی کے منصوبے کے خلاف ہونے والے مظاہروں میں تقریبا 10 ہزار افراد نے شرکت کے لیے اندراج کرایا تھا تاہم برلن پولیس کو توقع ہے کہ اس سے بھی زیادہ افراد اس میں شرکت کریں گے۔

برلن پولیس کی سربراہ باربرا سلوک نے آج شہر کے رہنماؤں کو بتایا کہ کسانوں کے احتجاج کو روکنے کے لیے مجموعی طور پر 1300 پولیس اہلکار تعینات کیے گئے ہیں۔

کسانوں کی ایسوسی ایشن اور ٹریڈ یونینوں کے نمائندوں کے علاوہ وزیر خزانہ کرسچن لنڈنر بھی مظاہرین سے خطاب کریں گے۔

اتوار کی شام کو پولیس دارالحکومت کے سرکاری ضلع میں مظاہرے کے علاقے میں ٹریکٹروں کو داخل ہونے سے روک رہی تھی۔ ‘

گزشتہ ایک ہفتے کے دوران کسانوں نے ہائی ویز کے داخلی راستوں کو بند کر دیا ہے اور جرمنی بھر میں ٹریفک کی رفتار سست کر دی ہے۔

برلن نے ڈیزل اور زرعی گاڑیوں پر سبسڈی اور ٹیکس چھوٹ میں کمی کے منصوبے کا اعلان کیا ہے کیونکہ ایک عدالتی فیصلے نے حکومت کے بجٹ میں اربوں یورو کی کٹوتی ہو گئی ہے، جس کے بعد حکومت کو بچت کی اسکیم لانچ کرنا پڑی تھی۔

حکومت، جو پہلے ہی جزوی طور پر ان منصوبوں سے پیچھے ہٹ چکی ہے، نے حالیہ برسوں میں کسانوں کی آمدنی میں اضافے کی طرف اشارہ کرتے ہوئے اس کمی کا دفاع کیا۔

صنعتی اعداد و شمار کے مطابق مالی سال 2022-23 میں فارمز نے اوسطا 115,400 یورو (126,000 ڈالر) کا ریکارڈ منافع کمایا، جو گزشتہ سال کے مقابلے میں 45 فیصد زیادہ ہے۔