شہبازشریف نے کہا ہے کہ مسائل کا حل صرف نواز شریف کے پاس ہے، ہماری حکومت رہتی تو پنجاب کی تقدیر بدل چکی ہوتی۔

مسلم لیگ ن کے راجن پورجلسے سے خطاب کرتے ہوئے سابق وزیراعظم شہبازشریف نے کہا ہے کہ میں سیلاب کےدوران ایک بار رحیم یارخان جارہاتھارات کےساڑھے12بج گئےتھے، یہ ہمارا فرض تھا کوئی احسان نہیں کیا۔

شہبازشریف نے کہا کہ ڈی ایچ کیو کو بہترین اسپتال بنایا، سی ٹی ایکسن بھی لگایا، راجن پور کے اسپتال کا دوسرے صوبے کے اسپتال سے موازنہ کریں، دوسرےشہروں کےبڑےبڑےاسپتالوں کاراجن پورکےاسپتال سےموازنہ کرلیں۔

صدرمسلم لیگ ن نے کہا کہ 6سال میں کیا ہوا یہ آپ لوگ ہی جانتے ہیں، نوازشریف نےمجھے ہدایت کی ہے کہ دانش اسکول بناؤ، 20دانش اسکول بنائیں جس میں سے16جنوبی پنجاب میں بنائیں۔ مسائل کا حل صرف نواز شریف کے پاس ہے، ہماری حکومت رہتی تو پنجاب کی تقدیر بدل چکی ہوتی۔

شہبازشریف نے کہا کہ جب سیلاب آیا توراجن پور کےعوام کی خدمت کےلیے آیا تھا، ہیلی کاپٹرخراب موسم میں کام نہ آیاتوگاڑی میں سوارہوکرمظفرگڑھ پہنچاتھا، میں نے سیلاب کے دنوں میں آپ کی خدمت کی تھی۔

انھوں نے کہا کہ میں آج کوئی احسان جتانے نہیں آیا، سیلاب سےاتنی تباہی پہلے کبھی نہیں دیکھی تھی۔ نوجوانوں کیلئےآئی ٹی اورزرعی یونیورسٹی بنانےکااعلان کرتاہوں۔ ہماری حکومت بنی تو جنوبی پنجاب کو منی لاہوربنا دوں گا۔