بھارت میں نیشنل سینٹر فار ڈیزیز کنٹرول نے ملک بھر میں گزشتہ 24 گھنٹے کے دوران 5 افراد کی کورونا سے ہلاکت کی تصدیق کی ہے۔

خلیجی میڈیا کے مطابق نیشنل سینٹر فار ڈیزیز کنٹرول (این سی ڈی سی) کے تحت انٹیگریٹڈ ڈیزیز سرویلنس پروگرام (آئی ڈی ایس پی) نے بھارت میں گزشتہ 24 گھنٹوں میں کووڈ کی وجہ سے پانچ اموات کی اطلاع دی ہے۔ 2 جنوری 2024 تک 11 ریاستوں سے جے این.1 سیریز ویرینٹ کے کل 511 معاملے سامنے آئے ہیں۔

2 جنوری تک 11 ریاستوں سے جے این 1 سیریز ویرینٹ کے 500 سے زیادہ معاملے سامنے آئے ہیں۔

بھارتی وزارت صحت کی جانب سے جاری اعداد و شمار کے مطابق گزشتہ 24 گھنٹوں کے دوران ملک بھر میں کورونا وائرس کے 600 سے زائد نئے کیسز رپورٹ ہوئے ہیں۔

بھارت میں اس وقت کورونا کے فعال کیسز کی تعداد 4،440 ہے ، جو منگل کے بعد سے 125 کی کمی کو ظاہر کرتی ہے۔ گزشتہ 24 گھنٹوں کے دوران 722 افراد صحت یاب ہوئے ہیں اور صحت یاب ہونے والوں کی مجموعی تعداد 44,477,272 ہے۔

 ریاست وار تقسیم کے مطابق کیرالہ میں گزشتہ 24 گھنٹوں کے دوران دو اموات ہوئی ہیں۔

کرناٹکا کے وجے نگر سے 1، پنجاب سے 1 اور تامل ناڈو میں ایک شخص کورونا کے عفریب کا شکار ہوا ہے۔

اوڈیشہ میں منگل کو 27 فعال معاملات کی اطلاع ملی ہے۔

آئی سی ایم آر کی رپورٹ کے مطابق، 2 جنوری کو بھارت میں تقریبا 32،946 ٹیسٹ کیے گئے۔

2 جنوری 2024 تک 11 ریاستوں سے جے این 1 سیریز ویرینٹ کے کل 511 معاملے سامنے آئے ہیں۔

کرناٹک میں ذیلی قسم کے 199 معاملے سامنے آئے ہیں۔ کیرالہ میں 148 معاملے سامنے آئے ہیں اور گوا سے 47، گجرات سے 36، مہاراشٹر سے 32 معاملے سامنے آئے ہیں۔

وزارت صحت اور خاندانی بہبود نے کہا کہ تامل ناڈو میں جے این 1 ذیلی قسم کے 26 معاملے سامنے آئے ہیں۔ دہلی میں 15 اور راجستھان سے چار معاملے سامنے آئے ہیں۔ تلنگانہ میں دو معاملے سامنے آئے ہیں۔ اڈیشہ اور ہریانہ میں ایک ایک کیس سامنے آیا ہے۔