امریکا میں شدید بارشوں اور طوفان سے 5 افراد ہلاک

ویب ڈیسک

11th Jan, 2024. 03:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا میں شدید بارشوں اور طوفان سے 5 افراد ہلاک

امریکا میں شدید بارشوں اور طوفان سے 5 افراد ہلاک ہوگئے جب کہ 1400 پروازیں تاخیر کا شکار اور 90 ملین امریکی سیلاب کے خطرے سے دوچار ہیں۔

غیر ملکی خبر رساں ادارے کے مطابق امریکی کی مشرقی ریاستوں میں ہوا کے بگولوں، شدید بارشوں اور برفانی طوفان سے 5 افراد ہلاک ہوگئے۔

رپورٹ کے مطابق امریکا اور کینیڈا کے مشرقی حصوں کو ایک ساتھ طوفانوں نے اپنی لپیٹ میں لے لیا ہے جب کہ نیو یارک، فلاڈیلفیا، بوسٹن اور فلوریڈا میں لاکھوں لوگ بجلی سے محروم ہوگئے ہیں۔

یہ بھی پڑھیں: امریکہ میں شدید برفباری سے 5 لاکھ سے زائد افراد بجلی سے محروم

امریکی ریاست فلوریڈا، الاباما اور جارجیا میں تباہی مچ گئی ہے جب کہ گھروں اور گاڑیوں کو بھی نقصان پہنچا ہے۔

رپورٹ میں کہا گیا ہے کہ شدید بارشوں کی وجہ سے 1400 پروازیں منسوخ اور 850 سے زائد تاخیر کا شکار ہیں۔ نیویارک سمیت 12ریاستوں میں 4 لاکھ سے زائد مکانات اور کاروباری مراکز بجلی سے محروم ہیں۔

حکام اور مقامی میڈیا کے مطابق طوفان پہلے ہی امریکی ریاست الاباما، شمالی کیرولائنا اور جارجیا میں تین افراد کی جان لے چکا ہے جب کہ وسکونسن اور مشی گن میں بھی دو موٹرسائیکل سوار لقمہ اجل بن گئے ہیں۔