سپریم کورٹ کا پرویز الہٰی کو انتخابات میں حصہ لینےکی اجازت کا فیصلہ جاری

ویب ڈیسک

26th Jan, 2024. 09:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپریم کورٹ کا پرویز الہٰی کو انتخابات میں حصہ لینےکی اجازت کا فیصلہ جاری

سپریم کورٹ نے پرویز الہٰی کو انتخابات میں حصہ لینے کی اجازت کا فیصلہ جاری کر دیا ہے۔

تفصیلات کے مطابق سپریم کورٹ نے اپنے فیصلے میں کہا ہے کہ جمہوریت کی روح انتخابی عمل ہے، جمہوریت کا بنیادی اصول ہے کہ اقتدارعوام کے ہاتھ میں ہو گا۔

فیصلے میں کہا گیا ہے کہ الیکشن عوام کوجمہوری عمل میں شرکت اور نمائندوں کےانتخاب کاموقع دیتےہیں، امیدواروں، ووٹرز کی انتخابی عمل میں شرکت ہی اس امر کو یقینی بناتی ہے۔

سپریم کورٹ نے کہا کہ نامعقول وجوہات پر کاغذات مسترد کرنا الیکشن شفافیت پر سوالات اٹھاتا ہے اور شفاف انتخابات سے استحکام آتا ہے جو ترقی کا باعث بنتا ہے۔

سپریم کورٹ کے فیصلے کے مطابق لوگوں کا حق ہے کہ وہ اپنے پسندیدہ امیدوار کو آزادی سے ووٹ ڈال سکیں، حق رائے دہی میں رکاوٹ ڈالنا منتخب حکومت کے دل پروار کرنے کے مترادف ہے۔

سپریم کورٹ نے کہا کہ ضروری نہیں کہ امیدوار ہر حلقہ انتخاب کیلئے الگ بینک اکاؤنٹ کھولے۔

پرویز الہٰی کے کاغذات مسترد کرنے کے فیصلے کے حوالے سے سپریم کورٹ نے فیصلہ دیا کہ یہ فیصلہ برقرار نہیں رکھا جا سکتا اور محض کاغذات نامزدگی کسی غلطی کی وجہ سے مسترد نہیں کئے جا سکتے۔