حماس کا خان یونس میں بڑا حملہ، 10 اسرائیلی فوجی ہلاک

ویب ڈیسک

23rd Jan, 2024. 11:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حماس کا خان یونس میں بڑا حملہ، 10 اسرائیلی فوجی ہلاک

حماس کا خان یونس بڑا حملہ، 10 اسرائیلی فوجی ہلاک

حماس نے خان یونس میں بڑا حملہ کرتے ہوئے 10 اسرائیلی فوجیوں کو ہلاک کردیا۔

غیر ملکی خبر رساں ادارے کے مطابق جنوبی غزہ کے شہر خان یونس میں اسرائیلی فوج کے زیرِ قبضہ عمارتوں کو حماس نے دھماکے سے اڑا دیا جب کہ عمارتیں گرنے سے متعدد اسرائیلی فوجی ہلاک و زخمی ہوگئے۔

اسرائیلی فوج نے غزہ میں اپنے فوجیوں کی ہلاکت کا اعتراف کرلیا ہے جب کہ زمینی لڑائی میں ہلاک ہونے والے اسرائیلی فوجیوں کی تعداد 217 ہو گئی۔

دوسری جانب غزہ میں اسرائیلی سفاکیت 107 ویں روز بھی جاری رہی، 1 روز میں اسرائیلی فوج نے 201 فلسطینیوں کو شہید کردیا۔

یہ بھی پڑھیں: غزہ میں 60 ہزار حاملہ خواتین کی جانوں کو خطرہ لاحق ہے، اقوام متحدہ

خان یونس میں رات بھر صیہونی فورسز کے فضائی حملے، شیلنگ اور فائرنگ کا سلسلہ جاری رہا جس کے نتیجے میں 65 فلسطینی شہید ہوگئے جب کہ حملوں میں اسپتالوں، اسکولوں اور ایمبولینسز کو نشانہ بنایا گیا۔

صیہونی فوج نے ال امل اسپتال کا محاصرہ کرلیا جب کہ الخیر اسپتال کے طبی ارکان کو بھی یرغمال بنالیا گیا۔

واضح رہے کہ غزہ میں شہید فلسطینیوں کی مجموعی تعداد 25 ہزار 295 ہوگئی ہے جب کہ 63 ہزار سے زائد فلسطینی زخمی ہیں۔