محمد شعیب اور عقیل خان فیڈرل کپ نیشنل رینکنگ ٹینس چیمپئن شپ کے فائنل میں پہنچ گئے ہیں۔

تفصیلات کے مطابق فیڈرل کپ نیشنل رینکنگ ٹینس چیمپئن شپ کے مینز سنگلز سیمی فائنل میں عقیل خان نے مدثر مرتضی کو ہرا کر کامیابی حاصل کی۔

جبکہ دوسرے سیمی فائنل میں محمد شعیب نے مزمل مرتضی کو ہرا کر کامیابی حاصل کی۔

فیڈرل کپ نیشنل رینکنگ ٹینس چیمپئن شپ کا مینز سنگلز فائنل کل کھیلا جائے گا۔

فیڈرل کپ نیشنل رینکنگ ٹینس چیمپئن شپ ویمینز میں سارہ محبوب اور آمنہ علی قیوم نے بھی سیمی فائنل میں کامیابی حاصل کر کے فائنل میں جگہ بنا لی ہے۔

پلے سیمی فائنل میں سارہ محبوب نے نتالیہ زمان کو شکست دی جبکہ دوسرے سیمی فائنل میں آمنہ علی قیوم نے شزہ ساجد کو ہرا کر فائنل میں جگہ بنائی۔

فیڈرل کپ نیشنل رینکنگ ٹینس چیمپئن شپ لیڈیز سنگلز کا فائنل بھی کل کھیلا جائے گا۔

فیڈرل کپ نیشنل رینکنگ ٹینس چیمپئن شپ مینز ڈبلز فائنل میں شعیب اور مزمل کی جوڑی نے کامیابی حاصل کی

جونیئر انڈر 18 کے فائنل میں حسن عثمانی نے میدان مار لیا، جبکہ بوائز انڈر 14 کے پہلے سیمی فائنل میں محمد عرش نے ابراہیم گل کو شکست دے اور دوسرے سیمی فائنل میں عامر مسعود نے فیضان کو شسکت دے کر فائنل میں جگہ بنائی۔