خراب کارکردگی کے باعث محمد حفیظ کا ٹیم ڈائریکٹر کا عہدہ خطرے میں، رپورٹ

ویب ڈیسک

27th Jan, 2024. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خراب کارکردگی کے باعث محمد حفیظ کا ٹیم ڈائریکٹر کا عہدہ خطرے میں، رپورٹ

رپورٹس کے مطابق پاکستان کرکٹ ٹیم کی ناقص کارکردگی کے باعث ٹیم ڈائریکٹر محمد حفیظ کی سیٹ خطرے میں پڑ گئی ہے۔

تفصیلات کے مطابق پاکستان کرکٹ ٹیم کے ڈائریکٹر محمد حفیظ کو آسٹریلیا اور نیوزی لینڈ کے دوروں میں مایوس کن کارکردگی کے بعد ان کے عہدے میں توسیع ملنے کا امکان نہیں ہے۔

پاکستان کو آسٹریلیا کے دورے پر سیریز میں 0-3 سے وائٹ واش کا سامنا کرنا پڑا تھا اور وہ نیوزی لینڈ کے خلاف پانچ میچوں کی سیریز میں صرف ایک ٹی ٹوئنٹی جیت نے میں کامیاب رہا تھا۔

رپورٹ کے مطابق حفیظ نے پاکستان کرکٹ بورڈ کے قائم مقام چیئرمین شاہ خاور سے ملاقات کی جو اس وقت بورڈ کے انتخابی عمل کی نگرانی کر رہے ہیں۔

محمد حفیظ نے مکی آرتھر کی جگہ یہ عہدہ سنبھالا تھا جنہیں بھارت میں ورلڈ کپ میں مایوس کن کارکردگی کے بعد نیشنل کرکٹ اکیڈمی منتقل کیا گیا تھا۔

آرتھر نے گرانٹ بریڈبرن اور اینڈریو پٹک کے ساتھ حال ہی میں این سی اے میں اپنے عہدوں سے استعفیٰ دے دیا تھا۔

قائم مقام چیئرمین سے ملاقات کے دوران حفیظ نے ٹیم کی خراب کارکردگی کو سینئر کھلاڑیوں کی توجہ کی کمی اور ٹی 20 لیگز میں کھیلنے کے رجحان سے جوڑا۔