ہیوی الیکٹریکل کمپلیکس کی نجکاری کا مرحلہ نجکاری کمیشن کے نگرانی کامیابی سے مکمل ہو گیا ہے۔

تفصیلات کے مطابق آئی ایم ایس انجینئرنگ (پرائیویٹ) لمیٹڈ کو شیئر سرٹیفکیٹ حوالے کر دئیے گئے آئی ایم ایس انجینئرنگ نے ہیوی الیکٹریکل کمپلیکس کی خریداری کی۔

آئی ایم ایس انجینئرنگ نے ہیوی الیکٹریکل کمپلیکس کی 1.4 ارب روپے کی ٹرانزیکشن کے ساتھ مکمل ادائیگی بھی کر دی،

ہیوی الیکٹریکل کمپلیکس کے خریدار نے بینک آف خیبر کو قابل ادائیگی 752 ملین روپے کی اضافی واجبات بھی اپنے ذمے لے لیے ہیں۔

بینک آف خیبر نے لین دین کے اختتام کے لیے این او سی جاری کر دیا ہے۔

اس موقع پر نجکاری کمیشن وفاقی وزیر نجکاری فواد حسن فواف نے کامیاب نجکاری پرتمام اسٹیک ہولڈرز کو مبارکباد پیش کی۔

وفاقی وزیر فواد حسن کا کہنا تھا کہ نجکاری کے نتیجے میں پیداواری صلاحیت میں اضافہ ہوگا اور نئی ملازمتیں پیدا ہوں گی۔

نجکاری کمیشن کے وقافی وزیر نے کہ نجکاری کے اس کامیاب مرحلے کے بعد ٹیکس ریونیو کے ساتھ ساتھ زرمبادلہ بھی کمایا جائے گے، انہوں نے مزید کہا سہولت کے بہتر استعمال کے منصوبے پہلے سے موجود ہیں۔

چیئرمین آئی ایم ایس انجینئرنگ کے مطابق آئندہ 2 سے 3 سالوں میں 250 سے 300 ملین ڈالر کی برآمدات متوقع ہے۔

چیئرمین آئی ایم ایس کا مزید کہنا تھا کہ موجودہ سیٹ اپ کو جدید ترین جرمن ساختہ مشینری اور آلات سے تبدیل کر رہے ہیں