برطانوی جوڑے نے جم کے لاکرز توڑ کر لوٹی رقم دبئی اور پیرس میں تعطیلات پر خرچ کر دی۔

خلیجی خبر رساں ادارے کی خبر کے مطابق برطانیہ کی ایک عدالت نے 39 سالہ ایشلے سنگھ اور 20 سالہ سوفی برویا کو دبئی اور دیگر مقامات پر غیر معمولی تعطیلات گزارنے پر مجرم قرار دیتے ہوئے قید کی سزا سنائی ہے۔

برطانوی میڈیا کی رپورٹ کے مطابق دونوں نے ایک سال تک ورزش کرتے ہوئے جم جانے والوں کے لاکر ز کو توڑ کر ان میں موجود 1.16 ملین درہم رقم لوٹ لی۔

ایشلے سنگھ اور بروئیا نے بے گناہ متاثرین کو نشانہ بنایا، بینک اور سم کارڈ چوری کیے۔

ایشلے سنگھ اور برونیا نے چوری شدہ بینک کارڈز کو اپنی زیادہ سے زیادہ حد تک استعمال کیا، اعلی درجے کی ٹیکنالوجی اور ڈیزائنر کپڑوں کا استعمال کیا، جسے انہوں نے بعد میں نقد رقم میں فروخت کر دیا۔

غیر قانونی طور پر حاصل کردہ رقم کے ساتھ  جوڑے نے پرتعیش تعطیلات کا لطف اٹھایا۔ ایک اعلیٰ نسل کا کتا خریدا اور مہنگے جوتے اور بیگ خریدے۔

برطانیو جوڑے نے اپنی تعطیلات کی داستان سوشل میڈیا پر بیان کی، ان کے فیس بک پیج پر انہیں سوئمنگ پول، لگژری کاریں چلانے اور دبئی کے مشہور برج العرب میں ایکویریم کے سامنے کھڑے ہوکر پام جمیرہ میں اورا اسکائی پول میں پوز دیتے ہوئے دکھایا گیا ہے۔

سوشل میڈیا پر غیر معمولی تفصیلات شیئر کرنے پر برطانوی جوڑا پولیس کے ریڈار پر آ گیا، جس کے بعد ان کے خلاف تحقیقات کا آغاز کیا گیا۔

یہ سلسلہ بالآخر گزشتہ سال 27 جنوری کو اس وقت ختم ہوا جب اس جوڑے کو پیرس سے تقریبا 1700 پاؤنڈ مالیت کے ڈیزائنر سامان کے ساتھ گیٹ وک ہوائی اڈے پر گرفتار کیا گیا۔