کراچی: بیرون ملک سے آنے والے 6 مسافروں کا کورونا ٹیسٹ مثبت آگیا

مریم حسن

14th Jan, 2024. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: بیرون ملک سے آنے والے 6 مسافروں کا کورونا ٹیسٹ مثبت آگیا

محکمہ صحت نے کورونا سے 4 اموات کی تردید کردی

کراچی میں بیرون ملک سے آنے والے 6 مسافروں کا کورونا ٹیسٹ مثبت آگیا ہے۔

تفصیلات کے مطابق محکمہ صحت سندھ نے اپنے جاری کردہ پیغام میں بتایا کہ شہر قائد میں کورونا کیسز میں مسلسل اضافہ جاری ہے، بیرون ملک سے کراچی پہنچنے والے 6 مزید مسافروں میں کورونا کی تصدیق ہوئی ہے۔

ادارے نے کہا کہ 50 سالہ مینگورہ سوات کا رہائشی جدہ سے کراچی پہنچا تھا، میرپور ماتھیلو ضلع گھوٹکی کا رہائشی 27 سالہ مسافر بھی جدہ سے کراچی پہنچا تھا، مینگورہ سوات کا ہی رہائشی 22 سالہ تیسرا مسافر ریاض سے کراچی پہنچا تھا، چوتھا 40 سالہ رحیم یار خان کا رہائشی بھی ریاض سے کراچی پہنچا تھا، پانچواں مسافر 22 سالہ شخص چارسدہ پشاور کا رہائشی ہے جو ریاض سے کراچی پہنچا تھا، چھٹے 68 سالہ مسافر کا تعلق جیکب آباد سندھ سے ہے جو جدہ سے کراچی پہنچا ہے۔

محکمہ صحت سندھ کے مطابق متاثرہ مسافروں کو کوویڈ 19 کی ممکنہ علامات کے پیش نظر ٹیسٹ کیا گیا تھا، اب تک بیرون ملک سے کراچی ائیرپورٹ پہنچنے والے 15 مسافروں میں کورونا کی تصدیق ہو چکی ہے، جے این ون ویریئنٹ کے 7 مثبت کیسز میں سے 2 بیرون ملک جبکہ پانچ مقامی ہیں۔