ٹی ٹوئنٹی ورلڈ کپ 2024 میں پاک بھارت ٹاکرے کے لیے نیویارک کے کرکٹ اسٹیڈیم کی خستہ حالی کی ویڈیو منظر عام پر آ گئی ہے۔

بھارتی میڈیا کے مطابق پاکستان اور بھارت کے درمیان ٹی ٹوئنٹی ورلڈ کپ 2024  کا پہلا میچ 9 جون کو نیو یارک میں کھیلا جائے گا۔

اس ہائی وولٹیج میچ کے لیے جس اسٹیڈیم کو منتخب کیا گیا ہے اس کی مبینہ وڈیو سامنے آنے پر شائقین کرکٹ حیران اور پریشان نظر آ رہے ہیں۔

ٹی ٹوئنٹی ورلڈ کپ 2024 کے شیڈول کا اعلان دو ہفتے قبل کیا گیا تھا۔

Advertisement

This is the ground in New York for the India vs Pakistan T20I World Cup match.

Do you think it's a suitable venue for international-level matches? pic.twitter.com/ij9RPNbidS

— Vipin Tiwari (@Vipintiwari952_) January 12, 2024

ایونٹ کا آغاز یکم جون سے ہوگا جس کی میزبانی امریکا اور ویسٹ انڈیز مشترکہ طور پر کریں گے۔ ٹورنامنٹ کا پہلا میچ امریکہ اور کینیڈا کے درمیان ٹیکساس میں کھیلا جائے گا۔

ٹیم انڈیا اپنی مہم کا آغاز 5 جون کو آئرلینڈ کے خلاف نیو یارک میں کرے گی۔ اس کے علاوہ بھارت اور پاکستان کے درمیان ہائی آکٹین مقابلہ 9 جون کو اسی میدان پر کھیلا جائے گا۔

یہ پہلا موقع ہے جب امریکہ کسی کرکٹ ورلڈ کپ کی مشترکہ میزبانی کرے گا۔

حال ہی میں مبینہ طور پر سوشل میڈیا پر ایک ویڈیو وائرل ہوئی جس میں نیویارک کے اس میدان کو دکھایا گیا ہے جہاں ورلڈ کپ کے میچز کھیلے جائیں گے۔

ویڈیو میں میدان انتہائی خستہ حال حالت میں نظر آ رہا ہے، یہاں تک کہ آؤٹ فیلڈ کی گھاس بھی غیر ضروری طور پر بڑھی ہوئی نظر آ رہی ہے۔

This is the ground in New York for the India vs Pakistan T20I World Cup match.

Do you think it's a suitable venue for international-level matches? pic.twitter.com/ij9RPNbidS

Advertisement

— Vipin Tiwari (@Vipintiwari952_) January 12, 2024

شائقین نے اسٹیڈیم کی مبینہ ویڈیو پر انتہائی حیرت کا اظہار کیا اور کہا کہ یہ گراؤنڈ کسی طریقے سے بھی بین الاقوامی کرکٹ میچز کے لیے نہیں ہو سکتا، اس سے بہترین گراؤنڈ تو فرسٹ کلاس میچز میں استعمال ہوتے ہیں۔

اسٹیڈیم کی اس مبینہ ویڈیو کی ابھی تک تصدیق نہیں ہو سکی ہے لیکن بہت سے مداح میدان کی ایسی خراب حالت دیکھ کر مکمل طور پر حیران رہ گئے ہیں۔

ٹورنامنٹ میں مجموعی طور پر 20 ٹیمیں حصہ لیں گی جن میں سے ہر ایک کے چار گروپ پانچ ٹیموں پر مشتمل ہوں گے۔

ٹورنامنٹ کا سیمی فائنل 25 اور 27 جون کو کھیلا جائے گا جبکہ فائنل میچ 29 جون کو کھیلا جائے گا۔