ماہ رنگ بلوچ کوفارن فنڈنگ ہو رہی ہے، رپورٹس جلد سامنے آئیں گی، جان اچکزئی

ویب ڈیسک

12th Jan, 2024. 01:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماہ رنگ بلوچ کوفارن فنڈنگ ہو رہی ہے، رپورٹس جلد سامنے آئیں گی، جان اچکزئی

جان اچکزئی کا کہنا ہے کہ بھارت پاکستان میں دہشت گردی کروا رہا ہے، دشمن کے ناپاک عزائم کو کامیاب نہیں ہونے دیں گے۔

نگراں صوبائی وزیراطلاعات بلوچستان جان اچکزئی نے اسلام آباد میں میڈیا سے گفتگو کرتے ہوئے کہا ہے کہ بلوچستان کی عوام کو دشمن کے عزائم کا پتا چل چکا ہے۔ بھارت پاکستان میں دہشت گردی کروا رہا ہے، دشمن کے ناپاک عزائم کو کامیاب نہیں ہونے دیں گے۔

جان اچکزئی نے کہا کہ ماہ رنگ بلوچ بھارت کی زبان بول رہی ہے، ماہ رنگ بلوچ کا سوشل میڈیا بھارت سے چلایا جا رہا ہے۔ ہمیں معلوم ہے بھارتی ایجنٹس کو کہاں سے مدد مل رہی ہے۔

وزیراطلاعات بلوچستان نے کہا کہ ڈاکٹر ماہ رنگ جو ملک کے خلاف بول رہی ہیں ان کو لوگ سن رہے ہیں۔ بلوچستان کا کشمیر سے موازنہ کرنے والوں کو 21 توپوں کی سلامی ہے۔ یہ ہماری فراخدلی ہے کہ اب تک آپ کو برداشت کررہے ہیں۔ ماہ رنگ بلوچ کو فارن فنڈنگ ہو رہی ہے، رپورٹس جلد سامنے آئیں گی۔

انھوں نے مذید کہا کہ بلوچستان کو پتا چل چکا ہے کہ دہشت گردوں کو بھارت فنڈنگ کررہا ہے۔ تین سو چالیس لوگوں کو شہید کرنے والوں کے خلاف مقدمات ہوں گے۔ کمیشن بنا کران دہشت گردوں کو کٹہرے میں لائیں گے۔