پاکستان اپنی قومی سلامتی و علاقائی سالمیت پر سمجھوتہ نہیں کرے گا، صدر مملکت

ویب ڈیسک

18th Jan, 2024. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اپنی قومی سلامتی و علاقائی سالمیت پر سمجھوتہ نہیں کرے گا، صدر مملکت

صدرمملکت ڈاکٹرعارف علوی نے ایران کے سیستان و بلوچستان صوبے میں پاکستان کی کارروائی پر بیان دیتے ہوئے کہا کہ پاکستان اپنی قومی سلامتی و علاقائی سالمیت پر سمجھوتہ نہیں کرے گا۔

صدرمملکت ڈاکٹرعارف علوی نے بیان میں کہا کہ پاکستان اپنی قومی سلامتی و علاقائی سالمیت پرسمجھوتہ نہیں کرے گا، پاکستان اپنی سرزمین کے دفاع کیلئے تمام ضروری اقدامات کرے گا۔

صدر مملکت نے بیان میں ایرانی شہریوں کو جانی نقصان سے بچاتے ہوئے دہشت گردوں کے ٹھکانوں کو نشانہ بنانے پر مسلح افواج کی پیشہ وارانہ مہارت کی تعریف کی اور کہا کہ دہشت گردی ایک مشترکہ چیلنج ہے، خاتمے کیلئے عالمی کوششوں کی ضرورت ہے۔

انھوں نے کہا کہ پاکستان تمام ریاستوں کی خودمختاری اورعلاقائی سالمیت کا مکمل احترام کرتا ہے، پاکستان دیگر ممالک سے بھی یہی توقع رکھتا ہے کہ وہ بین الاقوامی قوانین کی خلاف ورزی نہ کریں۔

صدر نے بیان میں کہا کہ پاکستان اور ایران برادر ممالک ہیں، مسائل کو مذاکرات اور باہمی مشاورت سے حل کرنے کی ضرورت ہے۔