یمن پر امریکی حملے نے جہازوں کی آمد و رفت خطرے میں ڈال دی، حسن نصراللہ

ویب ڈیسک

15th Jan, 2024. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یمن پر امریکی حملے نے جہازوں کی آمد و رفت خطرے میں ڈال دی، حسن نصراللہ

لبنانی عسکری گروپ حزب اللہ کا کہنا ہے کہ بحیرہ احمر میں امریکی اقدامات سے جہازوں کی سلامتی کو نقصان پہنچے گا کیونکہ یہ علاقہ اب ایک تنازعہ کا حصہ بن چکا ہے۔

بین الاقوامی خبررساں ادارے کے مطابق حزب اللہ کے رہنما سید حسن نصر اللہ نے ٹیلی ویژن پر نشر ہونے والی ایک تقریر میں کہا کہ یمن کی حوثی ملیشیا اسرائیل سے تعلق رکھنے والے بحری جہازوں یا اس کی بندرگاہوں کی طرف جانے والے جہازوں کو نشانہ بناتے رہیں گی۔

انہوں نے کہا کہ امریکا کو یہ بات سمجھنی چاہیے کہ بحیرہ احمر، لبنان، عراق اور یمن کی سلامتی ایک ہی چیز ’ غزہ میں جنگ کا خاتمے‘ سے منسلک ہے ۔

حزب اللہ کے سربراہ نے کہا کہ زیادہ خطرناک بات یہ ہے کہ امریکیوں نے بحیرہ احمر میں جو کچھ کیا اس سے تمام بحری جہازوں کی آمد و رفت کو نقصان پہنچے گا، یہاں تک کہ ان بحری جہازوں کو بھی جو اسرائیلی نہیں ہیں اور جن کا اس سے تنازعہ کوئی تعلق نہیں ہے۔

حسن نصراللہ کا کہنا تھا کہ علامتوں کا علاج کرنے کے بجائے اس کی وجہ کا علاج کرنا چاہیے۔ اگر امریکا یہ سوچتا ہے کہ حوثی بحیرہ احمر میں اسرائیل کا مقابلہ کرنا چھوڑ دیں گے تو وہ غلطی پر ہے۔