نیا چیئرمین پی سی بی کون ہوگا؟ نام سامنے آگئے

ویب ڈیسک

20th Jan, 2024. 04:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیا چیئرمین پی سی بی کون ہوگا؟ نام سامنے آگئے

ذکاء اشرف کے استعفیٰ کے بعد نئے چیئرمین پی سی بی کے لیے کئی نام سامنے آگئے ہیں۔

پاکستان کرکٹ بورڈ کی مینجمنٹ کمیٹی کے چیئرمین ذکاء اشرف نے گذشتہ روز اپنے عہدے سے استعفیٰ دے دیا تھا جب کہ انہوں نے اپنا استعفیٰ نگراں وزیر اعظم انوار الحق کاکڑ کو بھی ارسال کردیا ہے۔

اس موقع پر ذکاء اشرف کا کہنا تھا کہ میرے پاس کوئی اختیارات نہیں تھے، میں پاکستان کرکٹ کی بہتری کے لیے بہت سے کام کرنا چاہتا تھا مگر کام کرنے کی آزادی نہ ملی۔

انہوں نے مزید کہا تھا کہ ایسے میں عہدے پر برقرار رہنے کا کوئی فائدہ نہ تھا، اسی لیے میں نے ذمہ داری چھوڑنے کا فیصلہ کیا۔

یہ بھی پڑھیں: ٹیم کی طرح ذکاء اشرف بھی ہمت ہار بیٹھے، مینجمنٹ کمیٹی سے استعفیٰ دے دیا

تاہم سابق چیئرمین کے استعفیٰ کے بعد نئے چیئرمین کے لیے کئی نام سامنے آگئے ہیں جن میں ایک نام سابق چیئرمین پی سی بی نجم سیٹھی کا ہے جن کو فیورٹ بھی قرار دیا جارہا ہے۔

رپورٹس کے مطابق گورننگ بورڈ کے رکن مصطفیٰ رمدے برقرار ہیں جب کہ کوئٹہ گلیڈی ایٹرز کے مالک ندیم عمر، عارف سعید اور احمد نواز سکھیرے کے نام بھی زیرِ گردش ہیں۔

واضح رہے کہ پی سی بی میں کافی عرصے سے مسائل جاری ہیں اور مستقل چیئرمین نہ ہونے کی وجہ سے معاملات جمود کا شکار ہیں۔