اینٹی کرپشن صوابی کی بڑی کارروائی، محکمہ زراعت کا انسپکٹر رشوت دیتے ہوئے رنگے ہاتھوں گرفتار

ویب ڈیسک

15th Jan, 2024. 07:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اینٹی کرپشن صوابی کی بڑی کارروائی، محکمہ زراعت کا انسپکٹر رشوت دیتے ہوئے رنگے ہاتھوں گرفتار

صوابی میں اینٹی کرپشن ٹیم نے ایک کارروائی کے دوران محکمہ زراعت کا حاضر سروس انسپکٹر کو رشوت دیتے ہوئے رنگے ہاتھوں گرفتار کر لیا۔

تفصیلات کے مطابق صوابی کے اینٹی کرپشن سرکل آفیسر علی اکبر نے پریس کانفرنس کرتے ہوئے بتایا کہ محکمہ زراعت کا حاضر سروس انسپکٹر گزشتہ سال 22 ہزار کھاد کی بوریاں دکانداروں کو فروخت کرنے میں ملوث تھا۔

علی اکبر کا کہنا تھا کہ محکمہ زراعت کا انسپکٹر سرتاج انکوائری سے خود کو نکلوانا چاہتا تھا۔

انسپکٹر سرتاج نے انکوائری سے نام نکالنے کے لئے 15 ہزار روپے رشوت کی پیشکش کی تھی۔

اینٹی کرپشن کے سرکل آفیسر علی اکبر نے بتایا کہ انسپکٹر سرتاج کو رشوت دیتے ہوئے اینٹی کرپشن کے اہلکاروں نے رنگے ہاتھوں گرفتار کر لیا ہے۔

سرکل آفیسر علی اکبر کے مطابق 22 ہزار کھاد کی بوریاں فروخت کرنے کے دوران ملزم فارم ہاؤس صوابی کا انچارج تھا۔

ملزم سرتاج کے خلاف اینٹی کرپشن میں مقدمہ درج کرلیا گیا اور 15 ہزار رشوت کے پیسے بھی قبضہ میں لے لئے گئے ہیں۔