پی ٹی آئی کا اتوار سے ملک بھر میں اپنی باضابطہ انتخابی مہم کا آغاز کرنے کا اعلان

ویب ڈیسک

24th Jan, 2024. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کا اتوار سے ملک بھر میں اپنی باضابطہ انتخابی مہم کا آغاز کرنے کا اعلان

پاکستان تحریک انصاف (پی ٹی آئی) نے اتوار سے ملک بھر میں اپنی باضابطہ انتخابی مہم کے آغاز کا اعلان کیا ہے۔

تفصیلات کے مطابق پاکستان تحریک انصاف کی تنظیم اور امیدواران اتوار کو ملک بھر خصوصاً پنجاب میں اپنی باضابطہ انتخابی مہم کا آغاز کریں گے۔

بانی چیئرمین کی ہدایات کی روشنی میں تحریک انصاف کی قومی و صوبائی اسمبلی کے امیدوار اپنی پرامن سیاسی و انتخابی سرگرمیوں کا آغاز کریں گے۔

ترجمان تحریک انصاف کا کہنا تھا کہ قوم اڈیالہ جیل میں بے گناہ قید اپنے لیڈر اور تحریک انصاف کے ساتھ کھڑی ہے، قومی انتخابات پر جبر و فسطائیت اور بدترین دھاندلی کے گہرے بادلوں کے باوجود تحریک انصاف جمہوری انداز میں ملک کو دستور و قانون کی طرف لے جانے کی کوششیں کر رہی ہے۔

ترجمان کے مطابق عوام کے حقِ رائے دہی پر ڈاکے کی تمام تر کوششیں عوام کی تائید و معاونت سے ہی کامیاب بنائیں گے، پرامن سیاسی و انتخابی سرگرمیوں کا حق ہمیں دستور دیتا ہے، ریاستی مشینری آئین کا احترام کرے جبکہ عدالتِ عظمیٰ دستور کی بالادستی کو یقینی بنائے، خوف اور غلامی کے بت توڑ کر نکل رہے ہیں، اپنے لیڈر کی قیادت میں ملک و قوم کو حقیقی آزادی دلوائیں گے۔