صنعتی ترقی میں 0.80 فیصد کی کمی ریکارڈ

عمر حیات خان

16th Jan, 2024. 06:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صنعتی ترقی میں 0.80 فیصد کی کمی ریکارڈ

اسلام آباد: رواں مالی سال کے پہلے پانچ ماہ میں صنعتی ترقی میں 0.80 فیصد کی کمی ریکارڈ کی گئی ہے۔

ادارہ شماریات نے بڑی صنعتوں کی پیداوار کے اعدادوشمار جاری کردیے ہیں جس کے مطابق اکتوبر 2023 کے مقابلے میں نومبر 2023 میں صنعتی پیداوار میں 3.63 فیصد کا اضافہ ہوا۔

ادارہ شماریات کی رپورٹ کے مطابق گزشتہ سال نومبر کے مقابلے رواں سال نومبر میں صنعتی ترقی میں 1.59 فیصد کا اضافہ ہوا۔

ادارہ شماریات نے بتایا کہ پانچ ماہ میں گارمینٹس کی پیداوار میں 20 فیصد سے زائد کا اضافہ ہوا جب کہ پیٹرولیم مصنوعات کی پیداوار میں 6.49 فیصد کا اضافہ ہوا۔

ادارہ شماریات نے یہ بھی بتایا کہ فرٹیلائزرز کی پیداوار میں 11.24 فیصد کا اضافہ ہوا جب کہ آٹو موبائل کی پیداوار میں 52 فیصد سے زائد کی کمی آئی۔

انہوں نے کہا کہ کاٹن یارن کی پیداوار میں 21 فیصد سے زیادہ کی کمی آئی اور کاٹن کے کپڑوں کی پیداوار میں 12.76 فیصد کی کمی ہوئی۔

ادارہ شماریات نے مزید بتایا کہ فارما سیوٹیکل کی پیداوار میں 34.43 فیصد کا اضافہ ہوا جب کہ ٹیکسٹائل مصنوعات کی پیداوار میں 12.69 فیصد کی کمی ہوئی۔