ژوب میں پاک افغان سرحد کےقریب سیکیورٹی فورسزکا آپریشن، 7 دہشت گرد مارے گئے

سلمان علی اعوان

22nd Jan, 2024. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ژوب میں پاک افغان سرحد کےقریب سیکیورٹی فورسزکا آپریشن، 7 دہشت گرد مارے گئے

آئی ایس پی آرکےمطابق ژوب میں پاک افغان سرحد کےقریب سیکیورٹی فورسز نے آپریشن کے دوران سات دہشت گردوں کو واصل جہنم کردیا۔

پاک فوج کے شعبہ برائے تعلقاتِ عامہ (آئی ایس پی آر) کی جانب سے جاری بیان میں کہا گیا کہ ژوب میں پاک افغان سرحد کے قریب سیکیورٹی فورسزنے انٹیلی جنس بیسڈ آپریشن کیا۔ آپریشن کے دوران سات دہشت گرد واصل جہنم ہوئے۔

آئی ایس پی آرکے مطابق دہشت گردوں کے خلاف کارروائی کے دوران سیکیورٹی فورسز کا فائرنگ کا تبادلہ بھی ہوا، کارروائی کے دوران سیکیورٹی فورسزنے فرارہونے والے دہشت گردوں کا گھیراؤ کرتے ہوئے تمام دہشت گردوں کو واصلِ جہنم کیا۔

آئی ایس پی آر کا کہنا ہے کہ مارے جانے والے دہشت گرد نہ صرف سیکیورٹی فورسز پر حملوں بلکہ عام شہریوں کے قتل میں بھی ملوث تھے۔ دہشت گردوں کے قبضے سے ہتھیاراوربارودی مواد برآمد کیا گیا۔

آئی ایس پی آرکے مطابق علاقے میں دہشتگردوں کا مکمل خاتمہ یقینی بنانے کیلئے سینیٹائزیشن آپریشن جاری ہے، پاکستان کی سیکیورٹی فورسز دہشت گردی کی لعنت کے خاتمے کے لیے پرعزم ہیں۔

یہ خبر بھی پڑھیں؛ ایران میں بی ایل ایف کے ٹھکانوں پر پاکستانی اسٹرائیک میں جہنم واصل دہشتگردوں کی ہوشربا ابتدائی تفصیلات منظر عا م پر آ گئیں۔