ٹنڈو الہیار میں سیاسی جوڑ توڑ شروع، جی ڈے اے اور جے یو آئی میں اتحاد

ویب ڈیسک

13th Jan, 2024. 12:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹنڈو الہیار میں سیاسی جوڑ توڑ شروع، جی ڈے اے اور جے یو آئی میں اتحاد

ٹنڈو الہیار میں سیاسی جوڑ توڑ کا سلسلہ شروع ہو چکا ہے اور پیپلز پارٹی کو ٹف ٹائم دینے کے لیے جی ڈی اے اور جے یو آئی میں اتحاد ہو گیا ہے۔

تفصیلات کے مطابق اندرون سندھ پیپلز پارٹی کے مضبوط سیاسی قلعوں میں دراڑ ڈالنے کی کوششوں کا آغاز ہو گیا ہے، جی ڈی اے اور جے یو آئی نے ٹنڈوالہیار میں پی پی امیدوار کے خلاف اتحاد کر لیا ہے۔

رپورٹس کے مطابق ٹنڈوالہیار این اے 217 ، پی ایس 58 ، پی ایس 59 سے جے ہو آئی کے تمام امیدوار دستبردار ہوگئے ہیں۔

جے یو آئی کے امیدواروں کی یہ دستبرداری ٹنڈوالہیار میں پیپلز پارٹی کے خلاف مضبوط اتحاد بنانے کی تیاری ہے جس کے لیے جے یو آئی کے امیدوار جی ڈی اے امیدوار کے حق میں دستبردار ہوئے ہیں۔

جی ڈی اے کے این اے 217 اور پی ایس 58 کی امیدوار راحیلہ مگسی کے حق میں جے یو آئی کے مولانا عبدالشکور دستبردار ہو گئے ہیں۔

جی ڈی اے امیدوار محسن مگسی کے حق میں پی ایس 59 سے جے یو آئی کے اللہ بخش پتافی دستبردار ہو گئے۔

اس موقع پر جے یو آئی کے اللہ بخش پتافی کا کہنا تھا کہ ہمارے امیدوار مرکزی قیادت کے حکم پر جی ڈی اے امیدوار کے حق میں دستبردار ہو رہے ہیں۔