اردن: ڈرون حملے میں تین امریکی فوجی ہلاک، متعدد زخمی

ویب ڈیسک

29th Jan, 2024. 10:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اردن: ڈرون حملے میں تین امریکی فوجی ہلاک، متعدد زخمی

اردن میں شامی سرحد کے قریب ڈرون حملے میں 3 امریکی فوجی ہلاک اور متعدد زخمی ہوگئے۔

بین الاقوامی خبررساں ادارے کے مطابق شمال مشرقی اردن میں شامی سرحد کے قریب ایک ڈرون حملے میں 3 امریکی فوجی ہلاک اور کم از کم 34 زخمی ہوگئے۔

حملہ شامی سرحد کے قریب واقع ایک فوجی اڈے میں رہائشی کوارٹرز کے قریب کیا گیا۔

اکتوبر میں اسرائیل اور حماس کے درمیان جنگ شروع ہونے کے بعد سے امریکی افواج پر یہ پہلا مہلک حملہ ہے اور یہ مشرق وسطیٰ میں جاری تناؤ میں بڑے اضافے کی نشاندہی کرتا ہے۔

امریکی صدر جو بائیڈن نے ایک بیان میں کہا ہم ابھی اس حملے کے حقائق کو اکٹھا کر رہے ہیں اور ہم جانتے ہیں کہ یہ شام اور عراق میں سرگرم ایران کے حمایت یافتہ شدت پسند گروپوں نے کیا تھا۔

امریکی صدر نے الزام عائد کرتے ہوئے کہا کہ حملے کے ذمہ داروں کو اپنی مرضی کے وقت اور طریقہ کار سے نشانہ بنائیں گے۔