سعید غنی کا کہنا ہے کہ کراچی میں امن و امان کی خراب صورتحال کا ذمےدارمصطفیٰ کمال ہے،  ایم کیو ایم کے طریقے نامناسب ہیں۔

کراچی میں پیپلزپارٹی کے رہنما سعید غنی نے میڈیا سے گفتگو کرتے ہوئے کہا کہ سہراب گوٹھ میں جو شخص جاں بحق ہوا اس کا ایم کیو ایم سے تعلق نہیں تھا۔ جو شخص جاں بحق ہوا اس کا تعلق پیپلز پارٹی سے بھی نہیں تھا۔

سعید غنی نے کہا کہ ایم کیو ایم کے طریقے نامناسب ہیں، یہ اپنے پرانے روایتی طریقہ کارکے تحت جیتناچاہتے ہیں، ان کویقین ہے الیکشن ٹھیک ہوئے توایک نشست نہیں ملے گی۔

رہنما پیپلزپارٹی نے کہا کہ کل کہا گیا 20 پولنگ اسٹیشنز اچانک تبدیل ہوگئے، نگراں حکومت کل کے واقعے کی عدالتی تحقیقات کرائے، اگر ہم ذمےدار ہوں تو ہم سزا کیلئے تیار ہیں۔

سعید غنی نے کہا کہ ایم کیوایم کےدہشتگردوں نےپی ایس100 میں میٹنگ روکنےکی کوشش کی، کل ڈسٹرکٹ سینٹرل میں جلسہ تھا جس کے بعد یہ واقعہ پیش آیا، کراچی میں امن و امان کی خراب صورتحال کاذمےدارمصطفیٰ کمال ہے۔

انھوں نے کہا کہ مصطفیٰ کمال دھمکیاں دینے کے علاوہ کچھ نہیں کررہے، کھجی گراؤنڈگلبہارکےمقام پرہمارےکارکن کا گھیراؤ کیا گیا، جعفرطیارمیں کل رات ہمارے بینرز،جھنڈے جلائےگئے، ویڈیوموجودہےہمارے دفاترپرایم کیوایم نے حملہ کیا۔

سعید غنی نے کہا کہ ناظم آبادمیں بڑامیدان کےمقام پرہمارےجھنڈے،بینرزجلائےگئے، نارتھ ناظم آباد میں پی پی دفتر پرحملہ ہوا اس کی فوٹیج موجودہے، فائرنگ کےواقعےمیں ہمارے امیدوارسمیت3کارکن زخمی ہوئے۔

سابق صوبائی وزیر نے مزید کہا کہ پچھلےکئی دنوں سےپی پی دفاتراور میٹنگزپر حملےہورہےتھے، ہمارے بینرز پھاڑے جا رہے تھے، کارکنان پرتشددہورہاتھا۔