بھارتی بلے باز ویرات کوہلی نے ذاتی وجوہات کی بنا پر انگلینڈ کے خلاف پہلے دو ٹیسٹ میچوں سے دستبرداری اختیار کرلی ہے۔

تفصیلات کے مطابق 35 سالہ سابق کپتان نے بھارتی کپتان روہت شرما اور ٹیم انتظامیہ سے کہا ہے کہ کچھ ذاتی حالات ان کی موجودگی اور غیر منقسم توجہ کا مطالبہ کرتے ہیں۔

پانچ ٹیسٹ میچوں کی سیریز جمعرات سے حیدرآباد میں شروع ہوگی۔

ویرات کوہلی کی دستبرداری انگلینڈ کے بلے باز ہیری بروک کے ذاتی وجوہات کی بنا پر برطانیہ واپس آنے کے ایک دن بعد سامنے آئی ہے۔

بھارت کے لئے 113 ٹیسٹ کھیلنے والے کوہلی 8848 رنز کے ساتھ سب سے زیادہ رنز بنانے والوں کی فہرست میں چوتھے نمبر پر ہیں۔

ویرات کوہلی دو سال سے زیادہ عرصے سے بھارت کے لئے ٹیسٹ میچ سے محروم نہیں ہوئے ہیں ، جب وہ کمر کی تکلیف کی وجہ سے جنوبی افریقہ کے خلاف جوہانسبرگ میں میچ سے باہر ہوگئے تھے۔

بھارتی کرکٹ کنٹرول بورڈ (بی سی سی آئی) کی جانب سے جاری بیان میں کہا گیا ہے کہ ویرات نے اس بات پر زور دیا ہے کہ ملک کی نمائندگی کرنا ہمیشہ ان کی اولین ترجیح رہی ہے لیکن کچھ ذاتی حالات ان کی موجودگی اور غیر منقسم توجہ کے متقاضی ہیں۔

بی سی سی آئی ان کے فیصلے کا احترام کرتا ہے اور بورڈ اور ٹیم مینجمنٹ نے اسٹار بلے باز کی حمایت کی ہے اور انہیں یقین ہے کہ ٹیم کے باقی ارکان آگے بڑھیں گے۔

بی سی سی آئی کے ترجمان نے میڈیا اور مداحوں سے درخواست کی ہے کہ وہ اس دوران ویرات کوہلی کی پرائیویسی کا احترام کریں اور ان کی ذاتی وجوہات پر قیاس آرائیوں سے گریز کریں۔

بھارتی کرکٹ بورڈ 2014 سے 2022 کے درمیان 68 ٹیسٹ میچوں میں ٹیم کی قیادت کرنے والے کوہلی کے متبادل کا اعلان کرے گا۔