
نواز شریف کا معاشی ماہرین کے ساتھ مشاورتی اجلاس، مہنگائی کے خاتمے کیلئے منصوبہ تیار
قائد مسلم لیگ (ن) و سابق وزیر اعظم نواز شریف نے معاشی ماہرین کے ساتھ مشاورتی اجلاس کیا جس میں مہنگائی کے خاتمے کیلئے منصوبہ تیار کر لیا گیا۔
تفصیلات کے مطابق پاکستان مسلم لیگ (ن) کے قائد محمد نواز شریف نے معاشی ماہرین کے ساتھ اہم مشاورتی اجلاس کیا جس میں ملکی معاشی مسائل کے حل کے لئے اصلاحات اور مختلف تجاویز پر غور ہوا۔
اجلاس میں ملک کی معاشی بحالی اور عوام کو مہنگائی سے نجات دلانے کے معاشی منصوبے کو حتمی شکل دے دی گئی۔
منعقدہ اجلاس میں شرح ترقی میں اضافے، ٹیکس اصلاحات، توانائی کے بحران کا خاتمہ، بجلی اور گیس کی قیمتوں میں کمی، سالانہ بنیادوں پر روزگار کی فراہمی، نوجوانوں کو ہنرمند بنانے کے لئے پالیسی نکات مرتب کر لیے گئے۔
اجلاس میں تعلیم، صحت اور انفراسٹرکچر کے لئے بڑے منصوبوں کی ترجیحات، قومی ترقی کو تیز کرنے والے اقدامات سے مجموعی معاشی سرگرمیوں کو مرحلہ وار بڑھانے پر اتفاق ہوا۔
شرح سود میں کمی لانے، بڑی صنعتوں اور برآمدی شعبے کے لئے اصلاحات کے اصول بھی مرتب کر لئے گئے۔
معاشی منصوبہ مختلف شعبوں کے ماہرین کی تجاویز کی روشنی میں طے کیا گیا ہے۔
اجلاس میں سابق وزیر اعظم اور پاکستان مسلم لیگ (ن) کے صدر شہباز شریف نے بھی شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News