نیوایئرنائٹ کے موقع پرلاہور پولیس نے کریک ڈاؤن کرتے ہوئے 125 افراد کو گرفتارکیا۔ 

نیو ایئر نائٹ کی سرگرمیوں کے دوران ناجائز اسلحے کے خلاف کریک ڈاؤن کے 32مقدمات درج اور36ملزمان گرفتارکیے گئے۔

ون ولنگ کے خلاف کارروائی عمل میں لاتے ہوئے 25 مقدمات کا اندراج ہوا، 32ون ویلرز گرفتار کیے گئے۔ آتش بازی کرنے والوں کے خلاف کارروائی عمل میں لاتے ہوئے07مقدمات کا اندراج ہوا، 08ملزمان گرفتار کیے گئے۔

منشیات کے خلاف کارروائی عمل میں لاتے ہوئے48مقدمات کا اندراج ہوا، 49ملزمان گرفتارہوئے جن سے 28کلو سے زائد چرس اور520لیٹر شراب برآمد کی گئی۔

سی سی پی اولاہورکےمطابق عوام کی جان و مال کا تحفظ لاہورپولیس کا اولین نصب العین ہے۔ سربراہ لاہورنے پولیس کی بہترین سیکیورٹی و ٹریفک انتظامات پر لاہور پولیس کے متعلقہ افسران اور اہلکاروں کو شاباشی دی۔

سی سی پی او لاہورکا کہنا ہے کہ لاہور پولیس کی طرف سے نیو ایئر نائٹ کے موقع پرسیکیورٹی کے فول پروف انتظامات کئے گئے۔  پارکوں، تفریح گاہوں اور پبلک مقامات پر آنے والے شہریوں اور فیملیز کو بھرپور سیکیورٹی فراہم کی گئی۔

بلال صدیق کمیانہ کا کہنا تھا کہ لاہور پولیس کی جامع منصوبہ بندی کی وجہ سے صوبائی دارالحکومت میں نیو ایئر نائٹ پر امن گذری۔  نیو ایئر نائٹ کے پرامن انعقاد پر پولیس افسران و اہلکار شاباش کے مستحق ہیں۔ لاہور پولیس کے تمام یونٹس نے بہترین کوارڈنیشن اور شاندارٹیم ورک کا مظاہرہ کیا۔ لاہور پولیس شہریوں کی جان و مال کی حفاظت کیلئے مسلسل سرگرم عمل ہے۔