سانحہ نو مئی کی ایک اور ویڈیو ناقابل تردید شواہد کے ساتھ منظرعام پر

ویب ڈیسک

08th Jan, 2024. 04:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ نو مئی کی ایک اور ویڈیو ناقابل تردید شواہد کے ساتھ منظرعام پر

سانحہ نومئی کی ایک اور ویڈیو ناقابل تردید شواہد کے ساتھ منظرعام پر آگئی، خصوصی جماعت کے تخریب کاروں کی شرپسندی سے اسپتال تک محفوظ نہیں رہے۔

بول نیوزکو موصول ویڈیو میں مخصوص سیاسی جماعت کے شر پسند عناصر آرمڈ فورسز انسٹیٹیوٹ اف کارڈیالوجی راولپنڈی (دل کے اسپتال) پرشرمناک اندازمیں دھاوا بولتے نظرآ رہے ہیں۔ اسپتال کے اندراورباہر توڑ پھوڑ اور آگ کی وجہ سے پھیلے دھوئیں کے دل خراش مناظر ویڈیو میں صاف دکھائی دے رہے ہیں۔

سی سی ٹی وی میں شر پسند عناصر قیمتی طبی آلات اور اسپتال کے دیگر ساز و سامان کو نقصان پہنچاتے اور لوٹ مار کرتے واضح نظر آ رہے ہیں۔ شر پسندوں کا یہ جتھا موٹرسائیکلوں اور کھڑی گاڑیوں کو آگ لگاتا بھی دیکھا جا سکتا ہے۔

ویڈیو میں صاف نظرآرہا ہے کہ بلوائیوں نے نشان حیدرحاصل کرنے والے شہدا کی تصاویرسے مزین دیواروں اور کمروں کو بھی نہیں بخشا۔ باغیانہ نعرے لگاتے ہوئے خصوصی جماعت کے تخریب کاروں نے آرمی ویلفیئر ٹرسٹ راولپنڈی کی بلڈنگ کو بھی نشانہ بناتے ہوئے آگ لگائی۔

اسپتال اور فلاحی ادارے پر براہ راست حملہ خصوصی جماعت کی شرپسندی کی پست ترین مثال ہے جس کی جتنی مذمت کی جائے کم ہے۔ ان واضح شواہد کے بعد ملوث افراد کو قوانین کے مطابق مثالی سزائیں وقت کا اہم ترین تقاضا ہے۔