الیکشن التوا کے حق میں سینٹ قراداد ملک و جمہوریت کے خلاف سازش ہے، سراج الحق

ویب ڈیسک

05th Jan, 2024. 09:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن التوا کے حق میں سینٹ قراداد ملک و جمہوریت کے خلاف سازش ہے، سراج الحق

امیر جماعت اسلامی سراج الحق کا کہنا ہے کہ الیکشن التوا کے حق میں سینٹ قراداد ملک و جمہوریت کے خلاف سازش ہے۔

سینیٹ سے 8 فروری کو شیڈول عام انتخابات سے متعلق قرار داد پاس ہونے پر امیر جماعت اسلامی سراج الحق نے رد عمل دیتے ہوئے کہا کہ جمہوریت کی گاڑی پٹری سے اتر گئی تو اسے کون ٹریک پر چڑھائے گا۔

لاہور سے جاری بیان میں سراج الحق کا کہنا تھا کہ بلوچستان، کے پی میں بدامنی کی وجہ سے الیکشن ملتوی کرنا بدامنی پھیلانے والوں کے سامنے ہتھیار ڈالنے کے مترادف ہو گا۔

انہوں نے کہا کہ ملک میں امن و استحکام شفاف اور بروقت الیکشن سے ہی آئے گا اور شفاف الیکشن کے ذریعے اپنے نمائندے منتخب کرنا عوام کا حق ہے۔

سراج الحق کا مزید کہنا تھا کہ عوام کو کسی صورت اس بنیادی حق سے محروم نہیں کیا جاسکتا، جماعت اسلامی 8 فروری کو پورے ملک میں صاف شفاف انتخابات چاہتی ہے۔