پی ایس ایل کے نشریاتی حقوق 6.3 بلین روپے میں فروخت

ویب ڈیسک

10th Jan, 2024. 07:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل کے نشریاتی حقوق 6.3 بلین روپے میں فروخت

پاکستان سپر لیگ (پی ایس ایل) کے نشریاتی حقوق کامیابی سے 6.3 بلین روپے میں نیلام ہوگئے ہیں۔

پاکستان سپر لیگ کے نشریاتی حقوق 2 ارب روپے اضافے کے ساتھ 6.3 بلین میں فروخت ہوگئے ہیں جس کے بعد پی ایس ایل تیسری قیمتی ترین ٹی ٹوئنٹی لیگ بن گئی ہے۔

گذشتہ روز 7.358 بلین روپے کی ریزرو قیمت سے مالیاتی بولی شروع ہوئی اور ابتدائی راؤنڈ میں پچھلے رائٹس ہولڈر چینل نے 5.30 بلین روپے کی بولی تجویز کی۔

سرکاری چینل اور دو نجی چینلز نے بالترتیب 5.17 بلین، 4.40 بلین اور 4 بلین روپے کی بولی جمع کروائی تاہم کوئی بھی چینل ریزرو قیمت کے برابر نہ آسکا۔

یہ بھی پڑھیں: پی ایس ایل 9 ویں ایڈیشن کا شیڈول سامنے آ گیا، فائنل کراچی میں ہو گا

بعد ازاں دوسرے دور کا آغاز ہوا تو پہلے راؤنڈ میں زیادہ بولی والے چینل نے اپنی بولی میں ایک ارب روپے کا اضافہ کرتے ہوئے دو سال کے لیے مجموعی طور پر 6.30 بلین روپے میں نشریاتی حقوق حاصل کرلیے۔

پی سی بی نے پی ایس ایل کی فرنچائزز کے لیے 95 فیصد رقم کے ساتھ معاہدے کی منظوری دے دی ہے جس کے نتیجے میں فرنچائزز کو سالانہ 3 بلین روپے سے زائد رقم ملے گی۔

علاوہ ازیں 1.85 بلین روپے میں الگ سے ڈیجیٹل حقوق بھی فروخت کیے گئے ہیں۔