عام انتخابات میں فوج اور سول آرمڈ فورسز کی تعیناتی کا نوٹیفکشن اور ضابطہ اخلاق جاری کر دیا ہے۔

تفصیلات کے مطابق الیکشن کمیشن آف پاکستان نے عام انتخابات میں فوج او سول آرمڈ فورسز کی تعیناتی کا نوٹیفکیشن کے ساتھ ضابطہ اخلاق بھی جاری کر دیا ہے۔

ملک بھر میں پاک فوج کی تعیناتی پانچ فروری سے دس فروری تک ہوگی، عام انتخابات کی تیاریاں آخری مراحل میں ہیں اور فول پروف سکیورٹی کیلئے پاک فوج بطور کوئیک رسپانس فورس  تعینات ہوگی۔

انتہائی حساس پولنگ اسٹیشنز کے باہر بھی پاک فوج اور سول آرمڈ فورسز تعینات کی جائیں گی۔ ملک بھر میں پاک فوج کی تعیناتی پانچ فروری سے دس فروری تک ہوگی۔

ملک بھر میں پرامن انتخابی عمل اور انتخابی سازوسامان کی ترسیل کیلئے پاک فوج تعینات کردی گئی ہے۔ فوجی اور نیم فوجی دستے پانچ فروری سے دس فروری تک تعینات ہوں گے۔

سول آرمڈ فورسز پرنٹنگ کارپوریشنز پر بھی تعینات رہیں گی، پاک فوج اور سول فورسز کی تعیناتی آئین کے آرٹیکل 245 کے تحت کی گئی ہے۔

الیکشن کمیشن نے فوج اور سول آرمڈ فورسز کےلئے ضابطہ اخلاق بھی جاری کردیا،جس کے مطابق پولیس درجہ اول،سول آرمڈ فورسز اور فوج ثانوی اور ثالثی درجے کی ذمہ دار ہوں گی۔

فوج انتہائی حساس پولنگ اسٹیشنز کے باہر تعینات ہوگی، سول آرمڈ فورسز پرنٹنگ پریسز کی سکیورٹی اور انتخابی سامان کی ترسیل کی ذمہ دار ہوں گی۔

گنتی کے عمل کے بعد انتخابی سامان واپس پہنچانے کہ ذمہ داری بھی آرمڈ فورسز کی ہوگی، مشکوک افراد کی نشاندہی کیلئے پولیس کے ساتھ مل کر کام کریں گی۔

مجاز مبصرین اور میڈیا نمائندوں کو پولنگ اسٹیشن داخلے کی اجازت ہوگی۔ آرمڈ فورسز کسی بھی صورت انتخابی عملے کی ذمہ دریاں نہیں سنبھالیں گی۔

جبکہ بیلٹ پیپرز، اسٹامپ، فارم 45 سمیت کوئی انتخابی سامان تحویل میں نہیں لیں گی اور نہ ہی عملے کے کام میں مداخلت کریں گی۔

اہلکار انتخابی ڈیوٹی کے دوران غیر جانبدار رہیں گے اور کسی امیدوار یا سیاسی جماعت کے حق یا مخالفت میں کام نہیں کریں گے۔