پاکستان کرکٹ ٹیم میں ڈیبیو کرنے والے عمر گل کے بھتیجے عباس آفریدی نے پہلے ہی ٹی ٹوئنٹی میچ میں اپنی دھاگ بٹھادی ہے۔

پاکستان اور نیوزی لینڈ کی ٹیموں کے درمیان آکلینڈ میں پہلا ٹی ٹوئنٹی میچ کھیلا گیا جس میں قومی ٹیم کی جانب سے عباس آفریدی اور اسامہ میر نے ڈیبیو کیا۔

عباس آفریدی نے ڈیبیو میچ میں شاندار کارکردگی کا مظاہرہ کرتے ہوئے اپنی ڈھاگ بٹھادی ہے جب کہ انہوں نے 4 اوورز میں 34 رنز دے کر 3 کھلاڑیوں کو آؤٹ کیا۔

Brilliant on debut! 🙌

Advertisement

Abbas Afridi finishes his four-over spell with 3️⃣-3️⃣4️⃣ ☄️#NZvPAK | #BackTheBoysInGreen pic.twitter.com/Vx0tmHsrHj

— Pakistan Cricket (@TheRealPCB) January 12, 2024

تاہم عباس آفریدی کی پرفارمنس بھی قومی ٹیم کو میچ نہ جتواسکی اور پاکستان کو پہلے میچ میں 46 رنز سے شکست کا سامنا کرنا پڑا۔

اس سے قبل عباس آفریدی کو ان کے چچا اور سابق فاسٹ بولر عمر گل نے گرین کیپ پیش کیا تھا جب کہ اسامہ میر کو اسپن کوچ سعید اجمل نے کیپ پیش کی تھی۔

Advertisement

Abbas Afridi receives his T20I debut cap from @mdk_gul 🧢🙌 #NZvPAK | #BackTheBoysInGreen pic.twitter.com/B3Ta6dp2LA

— Pakistan Cricket (@TheRealPCB) January 12, 2024

عباس آفریدی کو کیپ پیش کرتے ہوئے عمر گل نے کہا تھا کہ کوشش کرنا جس طرح ڈومیسٹک میں پرفارم کیا اس ہی کارکردگی کو برقرار رکھو۔

انہوں نے کہا تھا کہ یہ میرے اور ہماری فیملی کے لیے فخر کا لمحہ ہے، ہر کرکٹرز کی خواہش ہوتی ہے وہ اسٹار کے لیے کھیلے اور گرین کیپ پر موجود اسٹار کے لیے کھیلنا اعزاز کی بات ہوتی ہے۔

بعد ازاں عباس آفریدی نے کہا کہ پاکستان کی جانب سے کھیلنا اعزاز کی بات ہے، میرا بھی یہی خواب تھا کہ پاکستان کے لیے کھیلوں اور وہ دن آگیا ہے۔

 انہوں نے کہا تھا کہ وہ بھی یہ چاہتے تھے کہ اپنے چاچو سے گرین کیپ لیں اور ان کے چاچو عمر گل نے جیسی بولنگ پاکستان کیلئے کی وہ بھی اس طرح بولنگ کریں۔