ایم کیو ایم پاکستان کے رہنما خالد مقبول صدیقی نے کہا ہے کہ ن لیگ سے صرف ملاقات تھی کوئی اتحاد نہیں تھا۔

تفصیلات کے مطابق ایم کیو ایم پاکستان کے رہنما خالد مقبول صدیقی نے بول نیوز کی خصوصی ٹرانسمیشن ووٹ پاکستان کا میں گفتگو کرتے ہوئے کہا کہ ن لیگ سے صرف ملاقات تھی کوئی اتحاد نہیں تھا، ن لیگ کے ساتھ ذہنی ہم آہنگی ہوتی جارہی ہے، جے ڈی اے،جے یوآئی سے بھی مذکرات ہورہے ہیں۔

خالد مقبول صدیقی نے کہا کہ ہماری تاریخ 50 سال کی ہے، بڑے چیلنجزلینا ہمارا اپنا فیصلہ تھا، 75 سال بعد حیدرآباد کو یونیورسٹی ملنے جارہی ہے، 15  سال میں پیپلزپارٹی نے شہر سندھ میں کوئی نوکری نہیں دی۔

انہوں نے کہا کہ پیپلز پارٹی کی تاریخ ادھرہم ادھرتم کی تاریخ ہے، پیپلزپارٹی تو ہمیشہ کراچی کےدشمن رہے ہیں، کراچی 2005 سے 2010 تک کیا ایسا تھاجیسا آج ہے، کراچی کے وسائل پر نظرہےعوام پر نظر نہیں رہی، کیا کراچی میں گٹرکے ڈھکن لگ گئے، نکاسی آب صحیح ہوگئی؟

ان کا کہنا تھا کہ دنیاکے امیرترین شہر میں غریب ترین لوگ رہ رہے ہیں، پیپلزپارٹی کراچی کے وسائل پرپلتی ہے، بلاول ہاؤس میں پانی ٹینکرسے دیا جاتا ہے، یہ وزیراعلیٰ کا قصورہے۔

خالد مقبول صدیقی نے مزید کہا کہ حکومتیں کبھی دارالخلافہ کی دشمن نہیں ہوتیں، سندھ کو یکجا رکھنے کے لیے اپنےحصے سے زیادہ قربانی دے چکے ہیں، ہمارے کئی سولوگ لاپتہ ہیں، سنجیدگی نہ ہونےکی وجہ سےوزارت چھوڑی تھی۔