امریکہ کے وزیر دفاع لائیڈ آسٹن کو طبیعت ناساز ہونے کے باعث اسپتال منتقل کر دیا گیا ہے۔

عرب میڈیا کے مطابق امریکی محکمہ دفاع پینٹاگون کا کہنا ہے کہ امریکی وزیر دفاع لائیڈ آسٹن کو اس ہفتے کے اوائل میں طبی عمل کی پیچیدگیوں کی وجہ سے اسپتال میں داخل کرایا گیا تھا۔

پینٹاگون کے پریس سیکریٹری میجر جنرل پیٹ رائیڈر نے ایک بیان میں کہا کہ آسٹن کو یکم جنوری کی شام والٹر ریڈ نیشنل ملٹری میڈیکل سینٹر میں داخل کرایا گیا تھا۔

پریس سیکریٹری میجر جنرل پیٹ رائیڈر نے کہا کہ وہ صحت یاب ہو رہے ہیں اور امید کر رہے ہیں کہ وہ آج اپنی پوری ذمہ داریاں دوبارہ شروع کریں گے۔

محکمہ دفاع نے اس سے قبل یہ انکشاف نہیں کیا تھا کہ آسٹن کو اسپتال میں داخل کرایا گیا تھا، جمعے کے روز اس اعلان پر پینٹاگون پریس ایسوسی ایشن کی جانب سے تنقید کی گئی تھی۔

پینٹاگون کے پریس سیکریٹری کو لکھے گئے ایک خط میں پریس ایسوسی ایشن نے اہم خدشات کا اظہار کرتے ہوئے کہا ہے کہ جمعے کی شام دیر گئے تک اس اعلان کو روکنا غصے کی بات ہے۔

پینٹاگون کی کوریج کرنے والے صحافیوں پر مشتمل ایسوسی ایشن کی جانب سے لکھے گئے خط میں کہا گیا ہے کہ ‘عوام کو یہ جاننے کا حق حاصل ہے کہ امریکی کابینہ کے ارکان کو کب اسپتال میں داخل کیا جاتا ہے۔

وزیر خارجہ کا یہ بیان ایسے وقت میں سامنے آیا ہے جب اسرائیل اور حماس کی جنگ کے نتیجے میں مشرق وسطیٰ میں کشیدگی میں اضافہ ہوا ہے،

یمن میں ایران کی حمایت یافتہ افواج جہاز رانی کے راستوں پر حملے کر رہی ہیں جبکہ عراق اور شام میں دیگر ممالک راکٹوں اور ڈرونز سے امریکی فوجیوں پر حملے کر رہے ہیں۔