اسلام آباد کی مقامی عدالت نے بانی پی ٹی آئی کی6درخواستوں اوربشری بی بی کی درخواست ضمانت پربھی سماعت30جنوری تک ملتوی کردی۔

ڈسٹرکٹ اینڈ سیشن کورٹس اسلام آباد نے کیس کی سماعت وقفے کے بعد دوبارہ شروع ہوئی توجج طاہرعباس سپرا نے کہا کہ جی بتائیں آ گئے تفتیشی افسران، بانی چیئرمین پی ٹی آئی کو شامل تفتیش کیا؟

تفتیشی افسرنے جواب دیا کہ ابھی نہیں ایک دفعہ گئے تھے چیئرمین پی ٹی آئی نے وکلاکی موجودگی میں بیان کا کہا جس پر جج نے اظہاربرہمی کرتے ہوئے کہا کہ دوبارہ گئے تفتیش کی؟ کس کی کوتاہی ہے کیوں تفتیش نہیں ہوئی؟ دوبارہ شامل تفتیش کرنے کے لیے تاریخ فکس کی۔

تفتیشی افسر نے جواب دیا کہ جی دوبارہ کبھی شامل تفتیش کرنے نہیں گئے نہ تاریخ طے کی جس پرجج طاہرعباس سپرا نے کہاکہ آپ کو پتا ہے کب یہاں تاریخ ہوتی ہے۔ کب کیس لگتا ہے۔

تفتیشی افسرنے لاعلمی کا اظہار کیا، عدالت نے وکیل خالدیوسف سے استفسارکیا کہ کل بانی چیئرمین کا کیس ہے وکلا وجود ہوں گے۔

وکیل خالدیوسف نے جواب دیا کہ جی کل اڈیالہ جیل میں سماعت ہے وکلا موجود ہوں گے۔ اس پر جج نے کہا کہ اپنے گلے کیوں ڈالتے ہو نہیں ہوتا جاؤ ضمنی لکھو جان چھڑاؤ۔

عدالت نے بانی پی ٹی آئی کی 6 درخواستوں پرسماعت 30 جنوری تک ملتوی کر دی۔ مقدمہ نمبر 463 اور 255 کے تفتیشی پیش نہیں ہوئے۔ عدالت نے وکیل خالد یوسف کو ہدایت کی کہ 30 جنوری کو لازمی بشری بی بی کی درخواست پر دلائل دیں۔

عدالت نے بشری بی بی کی درخواست ضمانت پر بھی سماعت 30 جنوری تک ملتوی کر دی۔