سبی میں جناح روڈ پر دھماکہ، 4 افراد جاں بحق جبکہ 5 زخمی

ویب ڈیسک

30th Jan, 2024. 06:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سبی میں جناح روڈ پر دھماکہ، 4 افراد جاں بحق جبکہ 5 زخمی

سبی میں جناح روڈ پر بم دھماکہ ہونے سے 4 افراد جاں بحق جبکہ 6 افراد زخمی ہوئے ہیں۔

تفصیلات کے مطابق سبی میں جناح روڈ پر سیاسی جماعت کی ریلی میں اچانک دھماکہ ہوا جس کے نتیجے میں 4 افراد جاں بحق جبکہ 6 افراد شدید زخمی ہو گئے ہیں جنہیں سول ہسپتال منتقل کر دیا گیا ہے۔

پولیس کے مطابق ہم موٹرسائیکل میں نصب تھا جو ریلی کے دوران اچانک پھٹا۔

سبی اور کوئٹہ کے تمام ہسپتالوں کو الرٹ جاری کر دیا گیا ہے اور ڈاکٹروں کو ڈیوٹی پر موجود رہنے کی ہدایت کی گئی ہے۔

سیکیورٹی فورسز نے جائے وقوعہ پر پہنچ کر علاقے کو گھیرے میں لے لیا اور بی ڈی ایس کی ٹیم طلب کر لی۔

الیکشن کمیشن نے دھماکے کا نوٹس لے لیا

الیکشن کمیشن نے بلوچستان کے ضلع سبی میں سیاسی جماعت کی ریلی میں ہونے والے دھماکے کا نوٹس لیتے ہوئے چیف سیکرٹری اور آئی جی بلوچستان سے فوری رپورٹ طلب کر لی ہے۔

دوسری جانب کراچی میں امن وامان کی بگڑتی صورتحال پر انچارج سینٹرل الیکشن سیل پاکستان پیپلز پارٹی تاج حیدر نے چیف الیکشن کمشنر کو خط لکھ دیا۔

تاج حیدر نے خط میں لکھا کہ کراچی میں امن و امان کی صورتحال دن بدن خراب ہوتی جا رہی ہے اورنگی ٹاؤن انتہائی حساس علاقہ ہے، انتخابی مہم کے پوسٹرز اور جھنڈے پھاڑے جا رہے ہیں، چیف الیکشن کمشنر صورتحال ک انوٹس لیں۔