بھارت میں کسانوں کا احتجاج، دہلی کی سرحدوں پر ایک ماہ کیلئے کرفیو نافذ

ویب ڈیسک

15th Feb, 2024. 11:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں کسانوں کا احتجاج، دہلی کی سرحدوں پر ایک ماہ کیلئے کرفیو نافذ

بھارت میں کسانوں کے احتجاج کے باعث دہلی کی سرحدوں پر ایک ماہ کے لیے کرفیو نافذ کردیا گیا۔

بھارتی میڈیا کے مطابق بھارت میں 13 فروری کو کسانوں کا شروع ہونے والا ’دہلی چلو مارچ‘ جاری ہے۔

کسانوں کو نئی دہلی پہنچنے سے روکنے کے لیے بھارتی پولیس نے دہلی کی سرحدوں پر بیریئر لگاتے ہوئے ایک ماہ کے لیے کرفیو نافذ کر دیا ہے۔

دہلی اور اطراف میں شدید ٹریفک جام سے شہری سخت اذیت سے دوچار ہیں۔

کسانوں کی جانب سے مطالبات کی منظوری تک مارچ جاری رکھنے کا اعلان کیا گیا ہے۔

مارچ میں شریک کسان مظاہرین کا مودی سرکار سے قانونی ایم ایس پی کی ضمانت، کسانوں اور مزدوروں کے لیے پینشن، کسانوں کے قرضوں کی معافی اور لکھیم پور کھیری تشدد کے متاثرین کے لیے انصاف کے مطالبات ہیں۔

کسانوں کا کہنا ہے کہ مودی سرکار کسانوں کو رعایت دینے کے وعدے سے مکر گئی ہے۔ مارچ کو روکنے کے لیے سرکار ہم پر دباؤ ڈال رہی ہے مگر ہم دہلی جانے کے لیے پرعزم ہیں۔

واضح رہے کہ دو سال قبل بھی نئی دہلی کی سرحدوں پر کسان اپنے مطالبات کے لیے کئی مہینوں تک سراپا احتجاج رہے تھے۔