عبدالرزاق کی شعیب ملک کی بیٹنگ پر تنقید

ویب ڈیسک

19th Feb, 2024. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عبدالرزاق کی شعیب ملک کی بیٹنگ پر تنقید

سابق کرکٹر عبدالرزاق نے کراچی کنگز کے آل راؤنڈر شعیب ملک کو تنقید کا نشانہ بنایا ہے۔

پاکستان کے سابق آل راؤنڈر عبدالرزاق نے شعیب ملک پر تنقید کرتے ہوئے الزام عائد کیا کہ انہوں نے ملتان سلطانز کے خلاف کھیلے گئے میچ میں خود غرضی کا مظاہرہ کیا۔

انہوں نے یہ بھی دعویٰ کیا کہ شعیب ملک نے ٹیم کے مفادات پر اپنی ذاتی کارکردگی کو ترجیح دی جب کہ اس میچ میں شعیب ملک نے 35 گیندوں پر 53 رنز کی قابل ذکر اننگز کھیلی تھی۔

عبدالرزاق کہتے ہیں ’’شعیب ملک کئی سالوں سے کھیل رہے ہیں جب کہ ان کی اننگز ٹیم کے لیے نہیں بلکہ اپنے لیے اچھی ہوسکتی ہے‘‘۔

ان کا کہنا تھا ’’ایک کھلاڑی وہ ہوتا ہے جو کسی ٹیم کے لیے کھیلتا ہے لیکن جب آپ 42 یا 43 سال کے ہوں تو اس قسم کی کرکٹ میں آپ پریشر برداشت نہیں کرسکتے‘‘۔

انہوں نے مزید کہا ’’اگر شعیب ملک اسکورنگ ریٹ کو تیز کرتے تو ان کی اننگز زیادہ متاثر کن ہوسکتی تھی‘‘۔

واضح رہے کہ گذشتہ روز کھیلے گئے پی ایس ایل 9 کے تیسرے میچ میں کراچی کنگز کو ملتان سلطانز کے ہاتھوں 55 رنز سے شکست کا سامنا کرنا پڑا تھا۔

ملتان سلطانز نے پہلے کھیلتے ہوئے 2 وکٹوں کے نقصان پر 186 رنز کا ہدف دیا، کراچی کنگز مقررہ 20 اوورز میں 8 وکٹوں کے نقصان پر صرف 130 رنز ہی بناسکی۔