شازیہ مری نے کہا ہے کہ ہمارے پاس اتنے نمبرزنہیں کہ اپنا وزیراعظم بنائیں، الیکشن کے دوران زیادتی کےباوجودسسٹم کوچیلنج نہیں کرینگے۔
کراچی میں رہنما پیپلز پارٹی شازیہ مری نے پریس کانفرنمس کرتے ہوئے کہا کہ ہم نے جمہوری نظام کے لیے لاتعداد قربانیاں دیں، کوئی ایسا کام نہیں کرنا چاہتے جس سے ملک کو نقصان پہنچے، پیپلز پارٹی نے اپنے منشور پرالیکشن لڑا۔ ہم ہرکام آئین اور دائرے میں رہ کرکریں گے۔ جن کو من پسند سیٹیں نہیں وہ دھمکیاں دے رہے ہیں۔
لائیو: پاکستان پیپلزپارٹی پارلیمنٹرینز کی مرکزی سیکریٹری اطلاعات شازیہ مری اور پی پی پی کی سینٹرل ایگزیکٹو کمیٹی کے رکن جمیل احمد سومرو میڈیا سیل، بلاول ہاؤس، کراچی میں پریس کانفرنس کررہے ہیں۔ https://t.co/a09UKoRTIt
— Pakistan Peoples Party – PPP (@PPP_Org) February 15, 2024
رہنما پیپلزپارٹی نے کہا کہ ہم ملک میں سیاسی استحکام چاہتے ہیں۔ کراچی میں کیا ہوا سب جانتے ہیں، کراچی میں جن جن کے پاس پولنگ ایجنٹ نہیں تھے وہ جیت گئے، ہم چاہتے ہیں کہ پارلیمنٹ چلے، پولنگ ڈے پر بدمعاشی اورغنڈہ گردی کی گئی۔ خواتین کی پولنگ کو سلو کیا گیا، 2018 میں بھی اس طرح کے کام ہوئے لیکن اس بار حدیں پار ہوئیں۔
انھوں نے کہا کہ غنڈہ گردی کے ذریعے الیکشن جیتنے کی کوشش کی۔ جی ڈی اے سیاسی یتیموں کا گروپ ہے۔ پیر پگارا کو اپنے دوستوں پر نظرِڈالنی چاہیے۔ مرزا صاحب لوگوں کو دھمکاتے نظرآئے۔ پیپلز پارٹی صرف عوام کے مسائل حل کرنا چاہتی ہے۔
شازیہ مری نے کہا کہ میں ٹک ٹاکرنہیں، سیاست دان ہوں۔ میں کبھی سوچ نہیں سکتی کہ لا ان آرڈرکو اپنے ہاتھ میں لوں۔ اپنے ساتھ ہونے والی زیادتیوں کی شکایت ہے۔ سڑکوں پرآنا دھمکی دینا پیپلزپارٹی کا شیوہ نہیں۔ پیرپگارا کو استعمال کیا گیا انھیں حقائق نہیں بتائے گئے۔ شازیہ مری نے کہا ہے کہ ہمارے پاس اتنے نمبرزنہیں کہ اپنا وزیراعظم بنائیں، الیکشن کے دوران زیادتی کےباوجودسسٹم کوچیلنج نہیں کرینگے۔
رہنما پیپلزپارٹی نے مزید کہا کہ 28 لوگ گرفتار ہوئے جن میں سے دو کا تعلق سانگھڑسے تھا۔ سانگھڑ میں میرے حلقے میں 45 منٹ تک فائرنگ کی گئی۔ 26 سالہ نوجوان کو گولیاں ماری گئیں۔ ہم اپنا کیس تیار کررہےہیں،زیادتیوں کو جانے نہیں دینگے، الیکشن کے دوران زیادتی کےباوجودسسٹم کوچیلنج نہیں کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News