پی ایس ایل میں مفٹ ٹکٹس دینے کا سلسلہ بند

ویب ڈیسک

15th Feb, 2024. 05:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل میں مفٹ ٹکٹس دینے کا سلسلہ بند

پاکستان کرکٹ بورڈ (پی سی بی) نے پی ایس ایل میں مفٹ ٹکٹس دینے کا سلسلہ بند کردیا ہے۔

خبر رساں ادارے کے مطابق پاکستان کرکٹ بورڈ کی جانب سے پی ایس ایل میں ہاسپٹلیٹی یا اسپیشل باکس اور مفٹ ٹکٹس دینے کا سلسلہ بند کردیا ہے جب کہ وی آئی پی باکس کے ٹکٹس بھی فروخت کرنے کے احکامات جاری کردیے گئے ہیں۔

یاد رہے کہ گزشتہ سیزن میں اس حوالے سے پنجاب گورنمنٹ اور پی سی بی کے درمیان تنازعہ بھی پیدا ہوا تھا تاہم اب پی سی بی نے پی ایس ایل 9 کے تمام میچز کے لیے بھی انتظامیہ کو مفت ٹکٹس دینے سے روک دیا ہے۔

یہ بھی پڑھیں: محسن نقوی پی ایس ایل کو بڑا برانڈ بنانے کے لیے کوشاں

رپورٹ کے مطابق پی سی بی نے رواں سیزن میں سیکیورٹی اور انتظامی امور کی مد میں 25 کروڑ روپے بچالیے ہیں جب کہ چیئرمین آفس کی تزین و آرائش کے اخراجات چیئرمین محسن نقوی خود اٹھائیں گے جس کا کام بھی شروع کردیا گیا ہے۔

واضح رہے کہ پی ایس ایل 9 کا آغاز 17 فروری سے قذافی اسٹیڈیم لاہور میں ہونے جارہا ہے جب کہ افتتاحی تقریب کے بعد پہلا میچ لاہور قلندرز اور اسلام آباد یونائیٹڈ کی ٹیموں کے درمیان کھیلا جائے گا۔