کراچی کے مختلف علاقوں میں فائرنگ اور دیگر واقعات میں 3 افراد جاں بحق

ویب ڈیسک

27th Feb, 2024. 06:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کے مختلف علاقوں میں فائرنگ اور دیگر واقعات میں 3 افراد جاں بحق

کراچی: شہر کے مختلف علاقوں میں فائرنگ اور دیگر واقعات میں 3 افراد جاں بحق ہوگئے۔

کراچی شہر کے مختلف علاقوں میں فائرنگ اور دیگر واقعات میں 3 افراد جاں بحق ہوگئے ہیں جب کہ کورنگی میں فائرنگ سے خاتون سمیت تین افراد زخمی ہیں۔

ڈیفینس فیز 4 خیابان جامی باب الاسلام مسجد کے قریب سیکیورٹی گارڈ عماد خود کی اتفاقیه گولی لگنے سے جاں بحق ہوگیا۔

دوسری جانب سپر ہائی وے نئی سبزی منڈی الحبیب ریسٹورنٹ کے قریب امجد نامی شخص نے خود کو گولی مار کر خودکشی کرلی۔

ملیر ایکس ٹوئنٹی روڈ کے قریب فٹ پاتھ سے ایک شخص کی لاش ملی ہے، پولیس کے مطابق ممکنہ طور پر متوفی فہیم کرنٹ لگنے سے جاں بحق ہوا ہے۔

کورنگی نمبر چھ گلشن مارکیٹ کے قریب فائرنگ سے خاتون اور دو مرد زخمی ہوگئے، ابتدائی اطلاعات کے مطابق واقعہ ڈکیتی مزاحمت پر پیش آیا۔

زخمی خاتون کی شناخت صائمہ کے نام سے ہوئی ہے، دونوں زخمیوں کی شناخت محمد قاسم اور حارث کے نام سے ہوئی جب کہ پولیس مزید تحقیقات کررہی ہے۔