پرویز خٹک کی جانب سے پی ٹی آئی کے مطالبے پر استعفیٰ دیئے جانے کا انکشاف ہوا ہے۔

ذرائع کے مطابق پرویز خٹک کے گزشتہ روز دیئے گئے استعفے کے بعد پی ٹی آئی پی، پی ٹی آئی کے درمیان مذاکرات حتمی مرحلے میں داخل ہو چکے ہیں۔

دونوں جماعتوں کی قانونی ٹیموں نے ابتدائی ڈرافٹ پراتفاق کر لیا ہے، ذرائع کا کہنا ہے کہ پرویز خٹک نے غلطی تسلیم کرنے اور سیاست چھوڑنے کا فیصلہ کئی روز قبل کرلیا تھا۔

ذرائع کے مطابق پرویز خٹک نے پی ٹی آئی قیادت سے اپنے رشتہ دار کے ذریعے رابطہ کیا اور انہوں نے پی ٹی آئی قیادت کو اپنے ساتھ ہونے والے دھوکے سے آگاہ کیا.

پرویزخٹک نے پی ٹی آئی قیادت کو مشکل وقت میں اپنی پارٹی دینے کی بھی پیشکش کی ہے۔

پی ٹی آئی نے پی ٹی آئی پی سے اتحاد کے لئے قانونی ماہرین سے مشاورت کی اور قانونی ماہرین نے صدارت چھوڑنے کی صورت میں معاملہ آگے بڑھنے کو قابل عمل قرار دیا۔

دونوں جماعتوں کے قانونی ماہرین کا اجلاس نوشہرہ میں کئی گھنٹےتک ہوا، اور دونوں جماعتوں کے درمیان مخصوص نشستوں سمیت دیگر معاملات طے کئے گئے۔

ذرائع کے مطابق آج یا کل دونوں جماعتوں کی لیگل ٹیموں کی  بیرسٹر گوہر سے ملاقات ہو گی۔

بیرسٹر گوہر سے ملاقات میں قانونی پہلوؤں کا جائزہ لیا جائے گا اور ان کی کے بعد معاملہ نامزد وزیراعلیٰ کو پیش کیا جائے گا۔

ذرائع کا مزید کہنا ہے کہ علی امین گنڈاپورکی منظوری کے بعد بانی چیئرمین کی منظوری لی جائےگی اور چیئرمین کی منظوری کے بعد باقاعدہ تحریری معاہدہ سامنے لایا جائے گا۔