امیر جماعت اسلامی سراج الحق نے اپنا ووٹ کاسٹ کر دیا، سراج الحق نے این اے 6 دیر میں اپنا کاسٹ کیا ہے۔

میڈیا سے گفتگو کرتے ہوئے امیر جماعت اسلامی سراج الحق نے کہا کہ قوم سے اپیل ہے پاکستان کی ترقی خوشحالی کیلئے اپنا ووٹ استعمال کریں، اپنے ووٹ کے ذریعے اپنے مستقبل کو روشن بنائیں

انہوں نے کہا کہ پاکستان کو کلین، کرپشن فری اور عظیم تر پاکستان بنانے میں اپنا کردار ادا کریں جبکہ اپنے ووٹ کے ذریعے اپنا مستقبل بنائیں۔

دیر میں اپنا ووٹ استعمال کیا۔ چند گھنٹے باقی رہ گئے ہیں، اگر آپ نے ابھی تک ووٹ نہیں ڈالا تو فوری طور پر نکلیں، پاکستان کی ترقی و خوشحالی اور بہتر مستقبل کےلیے ووٹ کا حق استعمال کریں۔ pic.twitter.com/Kd89MFcBLt

Advertisement

— Siraj ul Haq (@SirajOfficial) February 8, 2024

سراج الحق کا کہنا تھا کہ پاکستان کو گرین ٫ کلین اور کرپشن فری بنانے کے لیے جماعت اسلامی کا ساتھ دیں، آپ کا ترازو کو دیا گیا ووٹ ملک و ترقی کی راہ پر گامزن کرے گا۔

امیر جماعت اسلامی سراج الحق کا مزید کہنا تھا کہ ابھی بھی وقت ہے گھر سے نکلیے  ووٹ کے ذریعے اپنی قومی ذمہ داری ادا کی جائے، جماعت اسلامی الیکشن میں ایک بڑی سیاسی قوت بن کر سامنے آئے گی۔

واضح رہے کہ پاکستان بھر میں عام انتخابات 2024 کے لیے کے لیے ووٹنگ جاری ہے، پولنگ اسٹیشنز پر انتخابی عملے نے ذمے داریاں سنبھال لیں، ووٹرز پولنگ اسٹیشن پہنچنا شروع ہوگئے ہیں تاہم پولنگ کا عمل بغیر کسی وقفے کے صبح 8 بجے سے شام 5 بجے تک جاری رہے گا۔

قومی اور چاروں صوبائی اسمبلیوں کے 855 حلقوں کیلئے 12 کروڑ 79 لاکھ سے زیادہ رجسٹرڈ ووٹرز اپنا حق رائے دہی استعمال کریں گے جبکہ ان انتخابات میں ملک کی انتخابی تاریخ میں سب سے زیادہ امیدوار حصہ لے رہے ہیں جن کی تعداد 17 ہزار  سے زائد ہے جن میں 11 ہزار سے زائد آزاد امیدوار ہیں۔

ملک بھر میں 90 ہزار 675 میں سے 46 ہزار 65 پولنگ اسٹیشنز کو حساس و انتہائی حساس قرار دیا گیا ہے جبکہ شفاف پولنگ کے لیے مختلف شہروں میں مانیٹرنگ سیلز قائم کیے گئے ہیں۔