کسانوں کے احتجاج کے باعث بھارت کے مختلف اضلاع میں موبائل اور انٹرنیٹ سروسز بند

ویب ڈیسک

23rd Feb, 2024. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسانوں کے احتجاج کے باعث بھارت کے مختلف اضلاع میں موبائل اور انٹرنیٹ سروسز بند

مودی سرکار نے کسانوں کے احتجاج کے باعث متعدد بھارتی اضلاع میں موبائل اور انٹرنیٹ بند کردی ہیں۔

بھارتی میڈیا کے مطابق ہریانہ حکومت نے کسانوں کے دہلی چلو مارچ کے پیش نظر سات اضلاع میں موبائل انٹرنیٹ اور ایس ایم ایس سروسز پر پابندی کو بڑھا دیا ہے۔

ہریانہ کے محکمہ داخلہ نے بدھ کو اس سلسلے میں ایک نوٹس جاری کیا تھا جس کے ماطبق ریاست ہریانہ کے ضلح امبالا، کروک شیترا، کیتھل، جند، حصار، فتح آباد اور سرسا میں انٹرنیٹ کی معطلی 23 فروری تک بڑھا دی گئی تھی۔

ایڈیشنل چیف سیکرٹری ہریانہ کا موقف ہے کہ ریاست میں امن و امان کی صورتحال بہت نازک اور کشیدہ ہے۔

یہ بھی پڑھیں: مودی سرکار کے خلاف سراپا احتجاج بھارتی کسان آج بلیک فرائیڈے منا رہے ہیں

دوسری جانب کسان لیڈروں کا کہنا ہے کہ اشتعال انگیز مواد پھیلانے کا جھوٹا الزام لگا کر ہماری آواز دبانے کی کوشش کی جا رہی ہے۔

ان کا کہنا ہے کہ مودی سرکار نے کسان مظاہرین کے خوف سے یہ قدم اٹھایا ہے، حکومت نے اس سے قبل بھی موبائل انٹرنیٹ کی معطلی میں 13 فروری سے 19 فروری تک توسیع کی تھی۔

واضح رہے کہ مودی سرکار کے خلاف بھارتی کسانوں کا ’دہلی چلو‘ مارچ 11 ویں روز بھی جاری ہے جب کہ بھارتی کسان آج بلیک فرائیڈے منا رہے ہیں۔