مسلم لیگ ن کے رہنما خواجہ سعد رفیق کا کہنا ہے کہ بانی پی ٹی آئی نے عام انتخابات میں ڈیجیٹل میڈیا کی طاقت کو استعال کیا۔
تفصیلات کے مطابق لاہور میں مسلم لیگ ن کے رہنما خواجہ سعد رفیق نے کارکنوں سے خطاب کرتے ہوئے کہا کہ بانی پی ٹی آئی نے ڈیجیٹل میڈیا کی طاقت کا استعمال کیا
انہوں نے کہا کہ بعض لوگوں نے کہا کہ آپ لوگوں نے جلدی کر دی، جتنے منہ اتنی باتیں،کوئی جلدی نہیں کی، جذباتی فیصلہ بھی نہیں کیا۔
چیف الیکشن کمیشن سے کوئی شکایت نہیں، اس انتخابات میں میرے حلقے کے ٹکڑے کئے گئے۔
ہماری جماعت غلطیوں کو تلاش کرے اور اپنی اصلاح کرے، بانی پی ٹی آئی نے ڈیجیٹل میڈیا کی طاقت کواستعمال کیا۔
اس الیکشن میں امیرجیت گئےاورغریب ہارگئے، امیروں نے اپنے ملازمین کو گاڑیوں میں ڈالا اور ووٹ ڈلوائے، 2018 میں ہمارا مینڈیٹ چھینا گیا، سب بانی پی ٹی آئی کو جتوا رہے تھے.
سعد رفیق نے کہا کہ اسمبلی میں کہا تھا کہ وزیراعظم اور وزرا کے عہدے لینے والا کوئی نہ ہوگا، پاکستان کو بیرون ملک سے کمزور کرنے کی کوشش کی جا رہی ہے.
اگرپنجاب میں ن لیگ جیتی تو کیا کے پی میں دھاندلی نہیں ہوئی؟ کیا سندھ اور بلوچستان میں دھاندلی نہیں ہوئی.
پاکستان مسلم لیگ ن کے رہنما خواجہ سعد رفیق نے مزید کہا کہ ایک دوسرے کو راستہ نہ دیا گیا تو نازک جمہوریت کا آخری موقع ہوگا، کوئی انتقام، بدلہ نہیں بلکہ سب کو مل کر آگے بڑھنا چاہئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News