غیر شرعی نکاح کیس؛ بانی پی ٹی آئی اور بشری بی بی کو 7/ 7 سال قید

ویب ڈیسک

03rd Feb, 2024. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیر شرعی نکاح کیس؛ بانی پی ٹی آئی اور بشری بی بی کو 7/ 7 سال قید

جوڈیشل مجسٹریٹ قدرت اللہ نے اڈیالہ جیل میں غیرشرعی نکاح کیس کا محفوظ فیصلہ سنا دیا۔

تفصیلات کے مطابق بانی پی ٹی آئی اور بشری بی بی کے خلاف دورانِ عدت نکاح کیس کا محفوظ فیصلہ سناتے ہوئےعدالت نے بانی پی ٹی آئی اوربشری بی بی کوسات، سات سال قید کی سزا سنادی۔

جج قدرت اللہ نے مختصرفیصلہ سناتے ہوئے دونوں کو پانچ، پانچ لاکھ روپے کے جرمانے کا بھی حکم دیا۔

سینیئرسول جج نے تین بج کرچالیس منٹ پر فیصلہ سنایا۔ بشری بی بی اور بانی پی ٹی آئی اس موقع پرموجود تھے۔

گذشتہ روزاڈیالہ جیل نیں بانی پی ٹی آئی اور بشری بی بی کے خلاف دورانِ عدت نکاح کیس کا فیصلہ محفوظ کیا گیا تھا۔

سینیئرسول جج قدرت اللّٰہ نے دوران عدت نکاح کیس کی سماعت اڈیالہ جیل میں کی تھی، اس موقع پر بانی پی ٹی ائی اوران کی اہلیہ بشریٰ بی بی کو پیش کیا گیا جبکہ شکایت کنندہ کے وکیل راجہ رضوان عباسی اور پبلک پراسیکیوٹر سمیع اللّٰہ جسرا بھی عدالت میں پیش ہوئے۔

بانی پی ٹی آئی کے وکیل سلمان اکرم راجہ اور بشریٰ بی بی کے وکیل عثمان ریاض گل نے چاروں گواہوں خاور مانیکا، عون چوہدری، مفتی سعید اور ملازم لطیف پر جرح مکمل کی۔