ایوان صدر اس وقت سازشوں کا گڑھ بنا ہوا ہے، عطا تارڑ

ویب ڈیسک

25th Feb, 2024. 06:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایوان صدر اس وقت سازشوں کا گڑھ بنا ہوا ہے، عطا تارڑ

پاکستان مسلم لیگ ن کے رہنما عطا تارڑ نے کہا ہے کہ ایوان صدر اس وقت سازشوں کا گڑھ بنا ہوا ہے۔

عطا تارڑ نے کہا کہ صدر نے اپنے بیٹے کو منافع پہنچانے کے لیے اختیارات کا ناجائز استعمال کیا اور صدر نے اپنے بیٹے کے کاروبار کے لیے ایم او یو سائن کیا۔

مسلم لیگی رہنما کا کہنا تھا کہ ایوان صد ر اس وقت سازشوں کا گڑھ بنا ہوا ہے۔

عطا تارڑ نے کہا کہ قومی اسمبلی ارکان کے نوٹیفکیشن ہو چکے ہیں اجلاس بلایا جائے، پیر کو قومی اسمبلی اجلاس کی سمری صدر مملکت کو بھیجی گئی لیکن صدر اپنی آئینی ذمہ داری نبھانے سے گریزاں ہیں۔

انہوں نے کہا کہ ایک قیدی کی جانب سے آئے دن نیا شوشہ چھوڑا جاتا ہے، صدرعارف علوی نے کبھی اپنے حلف کی پاسداری نہیں کی۔

پاکستان مسلم لیگ ن کے رہنما عطا تارڑ نے مزید کہا کہ پی ٹی آئی نے ہمیشہ معیشت اور جمہوریت کو نقصان پہنچانے کی کوشش کی، قومی اسمبلی اجلاس میں تاخیر کاکوئی جواز نہیں۔