دوسرے ٹیسٹ میچ میں بھارت نے انگلینڈ کو 106 رنز سے شکست دے دی۔

تفصیلات کے مطابق وشاکاپٹنم میں کھیلے گئے ٹیسٹ میچ میں 399 رنز کے ہدف کے تعاقب میں انگلینڈ کی ٹیم 292 رنز پر آل آؤٹ ہوگئی۔

زیک کرولی 73 جبکہ بین فوکس اور ٹام ہارٹلی 36،36 رنز بناکر نمایاں رہے۔

بین ڈکٹ 28، جونی بیئر اسٹو 26، ریحان احمد اور اولی پوپ 23،23، جو روٹ 16، کپتان بین اسٹوکس 11 اور شعیب بشیر بغیر کوئی رن بنائے آؤٹ ہوئے جبکہ جیمز اینڈرسن 5 رنز بناکر ناٹ آؤٹ رہے۔

بھارت کی جانب سے جسپریت بمراہ نے اور روی چندرن ایشون نے 3،3 جبکہ مکیش کمار، کلدیپ یادیو اور اکشر پٹیل نے ایک ایک وکٹ حاصل کی۔

India have levelled the five-match series 1-1 🔥#WTC25 | #INDvENG 📝: https://t.co/gA12xVUZjT pic.twitter.com/jbe4Tj8i2L

— ICC (@ICC) February 5, 2024

اس سے قبل بھارتی ٹیم اپنی دوسری اننگز میں 255 رنز بناکر آؤٹ ہوگئی تھی۔ شبمان گل 104 اور اکشر پٹیل 45 رنز بناکر نمایاں رہے تھے۔

ٹام ہارٹلی نے 4، ریحان احمد نے 3، جیمز اینڈرسن نے 2 اور شعیب بشیر نے ایک وکٹ حاصل کی تھی۔

یاد رہے کہ بھارت نے ٹاس جیت کر پہلے بیٹنگ کرتے ہوئے اپنی پہلی اننگز میں یشسوی جیسوال (209) کی  ڈبل سنچری کی بدولت 396 رنز بنائے تھے۔

انگلینڈ کی جانب سے جیمز اینڈرسن، ریحان احمد اور شعیب بشیر نے 3،3 جبکہ ٹام ہارٹلی نے ایک وکٹ حاصل کی تھی۔

انگلینڈ کی ٹیم اپنی پہلی اننگز میں 253 رنز بناسکی تھی۔زیک کرولی 76 اور کپتان بین اسٹوکس 47 رنز بناکر نمایاں رہے تھے۔

بھارت کی جانب سے جسپریت بمراہ نے 6، کلدیپ یادیو نے 3 اور اکشر پٹیل نے ایک وکٹ حاصل کی تھی۔

دونوں ٹیموں کے مابین  پانچ ٹیسٹ میچز کی سیریز 1-1 سے برابر ہے۔تیسرا ٹیسٹ میچ  15 فروری سے راجکوٹ میں کھیلا جائے گا۔