پاکستانی کرکٹ کی صورت حال مایوس کن ہے، مکی آرتھر

ویب ڈیسک

02nd Feb, 2024. 01:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی کرکٹ کی صورت حال مایوس کن ہے، مکی آرتھر

بابراعظم اور محمد رضوان ٹی ٹوئنٹی کرکٹ کے لیے موزوں نہیں رہے، مکی آرتھر نے پنڈورہ باکس کھول دیا

پاکستان کرکٹ ٹیم کے سابق ڈائریکٹر مکی آرتھر نے پاکستانی کرکٹ کی صورت حال کو مایوس کن قرار دے دیا۔

حالیہ انٹرویو میں پاکستان کرکٹ ٹیم کے سابق ڈائریکٹر مکی آرتھر نے کہا کہ یہ ایک کڑوا سچ ہے کہ پاکستانی کرکٹ کی صورت حال مایوس کن ہے اور ورلڈکپ کے بعد پی سی بی کا ریویو اجلاس صرف ایک ڈرامہ تھا۔

مکی آرتھر کا کہنا تھا کہ میں نے جب موجودہ ٹیم ڈائریکٹر محمد حفیظ کو بورڈ آفس میں بیٹھا دیکھا تو میں اسی وقت ہی سب بات سمجھ گیا تھا، اگر ذکاء اشرف مجھے صاف صاف بتا دیتے تو میرے نزدیک ان کی عزت بڑھ جاتی۔

یہ بھی پڑھیں: مکی آرتھر کے مستقبل کے حوالے سے ذکاء اشرف کا بڑا بیان سامنے آ گیا

سابق ٹیم ڈائریکٹر نے انکشاف کیا کہ بورڈ میوزیم میں بلا کر مجھ سے بہت سے سوال کیے گئے اور بعد میں مجھے بتایا گیا کہ بابر اعظم سمیت سپورٹ اسٹاف کو ہٹانے کا فیصلہ کرلیا گیا ہے۔

مکی آرتھر کہتے ہیں کہ ورلڈکپ کے بعد ہم نے آسٹریلوی دورے کی منصوبہ بندی کررکھی تھی جب کہ ہم نے ٹیم اور کمبی نیشن بھی سوچ لیا تھا لیکن پاکستان پہنچنے کے بعد یہاں مکمل خاموشی دیکھی۔

واضح رہے کہ مکی آرتھر نے ورلڈکپ میں قومی ٹیم کی مایوس کن کارکردگی کے بعد عہدے سے استعفیٰ دے دیا تھا۔