ایرانی پولیس کا پاکستانی جیل میں قید دہشتگرد اکرم لاہوری کی گرفتاری کا جھوٹا دعویٰ

ویب ڈیسک

26th Feb, 2024. 11:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی پولیس کا پاکستانی جیل میں قید دہشتگرد اکرم لاہوری کی گرفتاری کا جھوٹا دعویٰ

ایرانی پولیس کی جانب سے پاکستانی جیل میں قید دہشتگرد اکرم لاہوری کی گرفتاری کا جھوٹا دعویٰ کیا گیا ہے۔

ایرانی خبررساں ایجنسی کے مطابق ایرانی پولیس کے سربراہ منتظر المہدی نے کہا ہے کہ ایک پیچیدہ انٹیلی جنس آپریشن میں پاکستان میں کالعدم مذہبی جماعت سپاہ صحابہ (لشکر جھنگوی) کے سرغنہ اکرم لاہوری کو گرفتار کرلیا ہے۔

منتظر المہدی نے اپنے بیان میں کہا اکرم لاہوری کو ایک پڑوسی ملک میں بم بنانے کے تربیتی کورس سے گزرنے اور ایران میں داخل ہونے کے بعد ملک کے جنوبی شہر جاتے ہوئے گرفتار کیا گیا۔

تاہم اس حوالے سے ذرائع کا کہنا ہے کہ اکرم لاہوری کی ایران میں گرفتاری کی خبر جھوٹی ہے۔

پاکستانی حکام کی جانب سے اکرم لاہوری کی حیدرآباد جیل سے ایک تصویر جاری کی گئی ہے جو ایرانی دعوے کو جھوٹا ثابت کرتی ہے۔

واضح رہے کہ کالعدم سپاہ صحابہ کے سابق کارکن اور لشکر جھنگوی کے بانی اکرم لاہوری کو معروف شاعر محسن نقوی کے قتل کے الزام میں سزائے موت کی سزا ہوچکی ہے اور وہ حیدرآباد کی جیل میں قید ہے۔