پی ایس ایل 9 کے 11ویں میچ میں ملتان سلطانز نے کوئٹہ گلیڈی ایٹرز کو 13 رنز سے شکست دیدی۔ 

ملتان میں کھیلے جارہے پاکستان سپر لیگ کے میچ میں ملتان سلطانز نے پہلے بیٹنگ کرتے ہوئے مقررہ 20 اوورز میں 4 وکٹ کے نقصان پر 180 رنز بنائے جس کے جواب میں کوئٹہ گلیڈی ایٹرز کی ٹیم 9 وکٹ کے نقصان پر 167 رنز ہی بناسکی۔

ملتان سلطانز بیٹنگ:

ملتان سلطانز کی جانب سے کپتان محمد رضوان نے نصف سنچری اسکور کی وہ 42 گیندوں پر 51 رنز بناکر آؤٹ ہوئے۔ عثمان خان 14 رنز بناکر آؤٹ ہوئے جب کہ ریزا ہینڈرکس نے 72 رنز کی شاندار اننگز کھیلی جس میں 4 چھکے اور 7 چوکے شامل تھے۔

طیب طاہر 35 رنز بنانے میں کامیاب رہے اور افتخار احمد کھاتہ کھولے بغیر ہی پویلین واپس لوٹ گئے۔

کوئٹہ گلیڈی ایٹرز کی جانب سے محمد عامر نے 2 جب کہ عقیل حسین اور ابرار احمد نے ایک ایک وکٹ حاصل کی۔

کوئٹہ گلیڈی ایٹرز بیٹنگ: 

ہدف کے تعاقب میں اوپننگ بلے باز جیسن روئے 12 اور سعود شکیل 24 رنز بناکر آؤٹ ہوئے جب کہ خواجہ نافع نے 36 رنز کی اننگز کھیلی۔ کپتان ریلی روسوو 30 رنز بنانے میں کامیاب رہے اور سجاد علی کی اننگز 2 رنز تک محدود رہی۔

ملتان سلطانز کی جانب سے ڈیوڈ ویلے اور محمد علی نے 3،3 وکٹیں حاصل کیں۔ آفتاب ابراہیم مے 2 اور اسامہ میر نے ایک وکٹ حاصل کی۔